اسلام آباد۔4ستمبر (اے پی پی):وزیر اعظم محمد شہباز شریف دی طرفوں بجلی استعمال کرݨ آلے صارفین کیتے فیول چارج ایڈجسٹمنٹ دی مد اچ اعلان کیتے ڳئے ریلیف دا عمل شروع تھی ڳئے ۔ وزارت توانائی ایں حوالے نال باقاعدہ نوٹیفکیشن کرݙتے ۔ وزیر اعظم آفس میڈیا ونگ موجب وزیر اعظم محمد شہباز شریف دی ہدایت تے گھٹ بجلی استعمال کرݨ آلے صارفین کوں ریلیف دی فراہمی دے حوالے نال وزارت …
وزیر اعظم دی طرفوں فیول چارج ایڈجسٹمنٹ دی مد اچ اعلان کیتے ڳئے ریلیف دا عمل شروع ،باقاعدہ نوٹیفیکیشن جاری کرݙتا ڳئے
مزید خبراں
اسلام آباد۔4ستمبر (اے پی پی):وزیر اعظم محمد شہباز شریف دی طرفوں بجلی استعمال کرݨ آلے صارفین کیتے فیول چارج ایڈجسٹمنٹ دی مد اچ اعلان کیتے ڳئے ریلیف دا عمل شروع تھی ڳئے ۔ وزارت توانائی ایں حوالے نال باقاعدہ نوٹیفکیشن کرݙتے ۔ وزیر اعظم آفس میڈیا ونگ موجب وزیر اعظم محمد شہباز شریف دی ہدایت تے گھٹ بجلی استعمال کرݨ آلے صارفین کوں ریلیف دی فراہمی دے حوالے نال وزارت توانائی دی طرفوں باقاعدہ نوٹیفیکیشن جاری کرݙتا ڳئے ۔نوٹیفیکیشن موجب 300 تے ایندے توں گھٹ بجلی دے یونٹ استعمال کرݨ آلے صارفین توں بجلی دے ٻلاں اچ فیول چارج ایڈجسٹمنٹ وصول نہ کیتا ویسی ۔ اگست دے مہینے دے ٻل اچ فیول چارج ایڈجسٹمنٹ کوں رلایا ڳیا ہئی جیں تے شہری احتجاج کریندے پئے ہن۔وزیراعظم دی ہدایت تے نویں ٻلز دی ادائیگی دا سلسلہ شروع کرݙتا ڳئے ، ٻل ادائیگی دی آخری تاریخ اچ توسیع وی کرݙتی ڳئی اے ، واضح رہے جو جیڑھے شہری بل ادا کر چکن ، آندے مہینے بجلی دے ٻلاں توں ادا شدہ رقم گھٹ کرݙتی ویسی ۔
