پاکستان اچ موسمیاتی تبدیلیاں توں ساریں توں ودھ ٻال متاثر تھیندے پئن ،بدقسمتی نال اڄوکے سیلاب اچ 400 ٻال جاں بحق تھئن ، وزیر اعظم محمد شہباز شریف

اسلام آباد۔4ستمبر (اے پی پی):وزیر اعظم محمدشہباز شریف آکھیے جو موسمی تبدیلیاں دے نتیجے اچ سیلاب دی تباہی توں ساریں توں ودھ ٻال متاثر تھیندے پئن ، آپݨے ھک ٹویٹ اچ وزیراعظم آکھیے جو سیلاب تے مینھ اچ بدقسمتی نال 400 ٻال جاں بحق تھئن جیڑھا جو مجموعی ہلاکتاں دی ھک تہائی تعداد بݨدی اے ۔وزیر اعظم محمد شہباز شریف آکھیے جو ٻالاں دے پاݨی توں پیدا تھیوݨ آلیاں بیماریاں توں متاثر تھیوݨ دا وݙا خطرہ اے ، میں ایں صورت ھال اچ یونیسیف سودھے ٻئے عالمی اداریں توں مدد دی اپیل کرینداں ۔