چیئرمین پی ٹی آئی دے پاک فوج دی سینئر قیادت بارے غیر ضروری بیان تے پاک فوج اچ شدید غم و غصہ اے، آئی ایس پی آر

راولپنڈی۔5ستمبر(اے پی پی)پاک فوج آئین دی پاسداری دا عزم دوہریندے آکھیے جو چیئرمین پی ٹی آئی دے پاک فوج دی سینئر قیادت بارے غیر ضروری بیان تے پاک فوج اچ شدید غم و غصہ اے، پاک فوج دی اعلیٰ قیادت کوں اوں ویلھے بدنام اتے کمزور کرݨ دی کوشش کیتی ڳئی اے ڄݙاں اے ادارہ روز پاکستانی عوام دی سلامتی و تحفظ کیتے جاناں ݙیندا پئے۔ پاک فوج دے شعبہ تعلقات عامہ(آئی ایس پی آر ) ولوں آکھیا ڳئے جو پاک فوج فیصل آباد دے سیاسی جلسے اچ چیئرمین پی ٹی آئی دے پاک فوج دی سینئر قیادت بارے غیر ضروری بیان تے کوڑیڄی اے، پاک فوج دے سربراہ دی تقرری دا آئین اچ طریقہ کار موجود اے، کوں متازعہ ٻݨاوݨ کیتے سینئر سیاستدان دا آکھݨ افسوس ناک اتے مایوس کن اے، فوج دی اعلیٰ قیادت اپݨی حب الوطنی اتے پیشہ ورانہ صلاحیتاں کوں کہیں کسی شک و شبہ توں اتو ثابت کرݨ کیتے کئی ڈھاکت شاندار خدمات ݙتن، پاک فوج دی سینئر قیادت تے سیاست کرݨ اتے آرمی چیف دے انتخاب کوں سکینڈلائز کرݨ نا تاں ریاست پاکستان دے مفاد اچ اے نا ہی ادارے نال خیر خواہی اے، پاک فوج اسلامی جمہوریہ پاکستان دے آئین دی پاسداری کیتے عزمجاری رکھسی۔