پاک فضائیہ دی چھل متاثرہ علاقیاں اچ ریسکیو، ریلیف اتے بحالی دی کارروائیاں جاری ، اہلکار بنیادی ضروریات دی ویلھے تے فراہمی کیتے ݙینھ رات کوشاں اے، ترجمان

اسلام آباد۔21ستمبر (اے پی پی) پاک فضائیہ دی چھل متاثرہ علاقیاں اچ ریسکیو، ریلیف اتے بحالی دی کارروائیاں جاری ، اہلکار بنیادی ضروریات دی ویلھے تے فراہمی کیتے ݙینھ رات کوشاں اے۔ ترجمان دے مطابق پاک فضائیہ دے میڈیکل لیب کلیکشن پوائنٹس فوری طورتے متاثرین اچ پاݨی پاروں تھیوݨ آلی بیماریاں دی سنجاݨ اتے تشخیص کریندےپئن جئیں دے بعد انہاں کوں مفت طبی امداد ݙتی ویندی پئی اے۔ گزریل چووی گھنٹیاں اچ پاک فضائیہ 18,458 پکے ہوئے کھانے دے پیکٹ ، 1512 پاݨی دی بوتلاں اتے 2070 راشن پیکٹس ضرورت منداں اچ تقسیم کیتے۔ پاک فضائیہ دی ایمرجنسی ریسپانس ٹیماں انتھک محنت نال چھل متاثرہ علاقے بشمول راجن پور، مٹیاری، مچی، بولانی، لاشاری، ناروا، مچکا، گھارو، جاتی، کوڈاریو، حاجی پور، چوہڑ جمالی، میرپور خاص، سنداد، بلو، جھل مگسی، بستی شیر محمد، لاکھڑا، مٹیاری، سعید آباد شہدادکوٹ، صحبت پور، بستی جاگیر گبول، فاضل پور اور اللہ ورائیو جمالی، نصیر آباد، جھل مگسی، جیکب آباد، کھیروی ، سندھڑی، سانگھڑ، گوٹھ اسماعیل، کمہار، سرگل، پھلواری، دادو، شاہراہ۔ میاں پوٹا، پشین، قلعہ عبداللہ، قلعہ سیف اللہ، تھل، سہون، نواب شاہ، سکرنڈ، اسابھٹی، سکھر، پیر پٹھو، اٹھال، حیدرآباد، میرپور خاص، تلہار، نواکلی، گلستان کلی صالح اتے کلی حبیب زئی اچ ݙینھ رات کم کریندی پئی اے۔