نیویارک۔21ستمبر (اے پی پی) وزیراعظم محمد شہباز شریف آکھیا جو فوڈ مینوفیکچررز چھل متاثرہ علاقیاں اچ خصوصی طور ٻالاں دی خوراک عطیہ کرن، چھل توں وݙے پیمانے تے تباہ کاری عالمی توجہ منڳدی اے۔ وزیراعظم جیڑھے جو ایں ویلھے اقوام متحدہ دی جنرل اسمبلی دے 77 ویں اجلاس اچ شرکت کیتے نیویارک اچ ہن، چھل متاثرہ علاقیاں اچ امدادی کاروائیاں بارے آپݨے سنیھے اچ آکھیا جو انہاں گزریل رات آن …
فوڈ مینوفیکچررز چھل متاثرہ علاقیاں اچ خصوصی طور ٻالاں دی خوراک عطیہ کرن، چھل توں وݙے پیمانے تے تباہ کاری عالمی توجہ منڳدی اے، وزیراعظم محمد شہباز شریف
نیویارک۔21ستمبر (اے پی پی) وزیراعظم محمد شہباز شریف آکھیا جو فوڈ مینوفیکچررز چھل متاثرہ علاقیاں اچ خصوصی طور ٻالاں دی خوراک عطیہ کرن، چھل توں وݙے پیمانے تے تباہ کاری عالمی توجہ منڳدی اے۔ وزیراعظم جیڑھے جو ایں ویلھے اقوام متحدہ دی جنرل اسمبلی دے 77 ویں اجلاس اچ شرکت کیتے نیویارک اچ ہن، چھل متاثرہ علاقیاں اچ امدادی کاروائیاں بارے آپݨے سنیھے اچ آکھیا جو انہاں گزریل رات آن لائن اجلاس اچ چھل دی صورتحال دا جائزہ ڳھدا۔ چھل پاروں پاکستان اچ ٻہوں تباہی تھئی اے، صوبائی حکومت، انتظامیہ، سرکاری افسر اتے پاکستانی فوج چھل دے بعد کاوشاں اتے کاروائیاں کیتن۔ عوام دی نظر اچ انہاں دی عزت اے اتے اللہ تعالیٰ ایں محنت دا صلہ ݙیسی۔ وزیراعظم آکھیا جو انہاں کوں اجلاس اچ پتہ لڳیے جو چھل متاثرہ علاقیاں اچ ٻالاں دی خوراک دی ڳھٹکی اے۔ وزیراعظم پاکستان دی مخیر ادارے خصوصی طور ٻالاں دی خوراک ٻݨاوݨ آلی مقامی کمپنیاں (فوڈ مینوفیکچررز) توں اپیل کیتی جو او متاثرہ علاقیاں اچ خوراک عطیہ کرن اتے این ڈی ایم اے، پی ڈی ایم ایز اتے فواج پاکستان دے ذریعے لکھاں ٻالاں تئیں اے خوراک پڄاون۔
