ٻاہرلے ملکوں امداد امدی پئی اے، پاکستانی وی ودھ چڑھ تے چھل متاثرین دی مدد اچ حصہ پاون، احسن اقبال

اسلام آباد۔21ستمبر (اے پی پی) وفاقی وزیر منصوبہ بندی ، ترقی تے اصلاحات احسن اقبال آکھیا جو ٻاہرلے ملکوں امداد امدی پئی اے، پاکستانی وی ودھ چڑھ تے چھل متاثرین دی مدد اچ حصہ پاون۔ اے ڳالھیں انہاں ایچ ای سی اچ تھیوݨ آلی پیس دی تقریب توں خطاب کریندے پئے ہن۔ وفاقی وزیر آکھیا جو اڄ آپت اچ اتحاد دی ٻہوں لوڑھ اے۔ ہر بندے دی رائے انڄ تھی سڳدی اے۔ اساکوں کہیں دی نیت یا حب الوطنی تے شک نی کرݨا چاہیدا۔ انہاں آکھیا جو ٻاہرلے ملکوں امداد امدی پئی اے، پاکستانی وی ودھ چڑھ تے چھل متاثرین دی مدد اچ حصہ پاون۔ چھل متاثرین دے علاقیاں اچ خوراک دی ٻہوں لوڑھ اے۔