اسلام آباد۔18نومبر (اے پی پی) صدر مملکت ڈاکٹر عارف نال وفاقی وزیر خزانہ سینیٹر محمد اسحاق ڈار ایوان صدر اچ ملاقات کیتی۔ ملاقاتا چ وفاقی وزیر خزانہ صدرمملکت کوں ملک دی اقتصادی اتے مالیاتی صورتحال بارے ݙسیا۔ جمعے کوں ایوان صدر دے پریس ونگ توں جاری بیان موجب وزیر خزانہ صدر مملکت کوں پاکستان دی عوام خصوصی طور ملک دے محروم علاقیاں دی غیر مراعات یافتہ آبادی اتے چھل متاثرین کوں ریلیف ݙیوݨ کیتے حکومت ولوں کیتے ڳے مختلف اقدامات بارے وی ݙسیا۔ ملاقات اچ خزانہ اتے معیشت بارے مختلف معاملیاں تے وی ڳالھ کیتی ڳی۔
