وزیراعظم شہباز شریف دی افغان بارڈر فورسز دی طرفوں چمن اچ بلااشتعال گولہ باری اتے فائرنگ دی مذمت

اسلام آباد۔12دسمبر(اے پی پی) وزیراعظم شہبازشریف افغان بارڈر فورسز دی طرفوں چمن اچ بلااشتعال گولہ باری اتے فائرنگ دی سخت مذمت کریندے ہوئیں آکھیے جو افغان عبوری حکومت یقینی بݨاوے جو ایجھے واقعات ول نہ تھیون ۔ سنوار کوں آپݨے ٹویٹ اچ انہاں آکھیے جو افغانستان دی بارڈر فورسز دی طرفوں چمن اچ بلا اشتعال گولہ باری اتے فائرنگ جیں دے نتیجے اچ کئی پاکستانی شہری شہید اتے ھک درجن توں ودھ زخمی تھئن ، اے واقعہ بدقسمتی اے سخت قابل مذمت اے۔انہاں افغان عبوری حکومت کوں آکھیے جو او یقینی بݨاوے جو ایجھے واقعات ول نہ تھیون ۔