ریڈیو پاکستان دے پنشنرز کوں انہاں دی پنشن اتے بقایا جات ھک ہفتے اچ مل ویسن ، وفاقی پارلیمانی سیکرٹری اطلاعات

اسلام آباد۔12دسمبر(اے پی پی) وفاقی پارلیمانی سیکرٹری اطلاعات و نشریات شہباز بابر آکھیے جو ریڈیو پاکستان دے پنشنرز کوں انہاں دی پنشن اتے بقایا جات ھک ہفتے اچ مل ویسن ایں سانڳے اے جی پی آر کوں 50کروڑ روپے مل ڳئن۔ قومی اسمبلی اچ مولانا عبدالاکبر چترالی دی طرفوں پی بی سی دے چار ہزار ملازمین کوں جون 2022ء توں پنشن دی عدم ادائیگی تے اکتوبر 2022ء دی پنشن اچ کٹوتی دے حوالے نال توجہ ݙیواؤ نوٹس دے جواب اچ پارلیمانی سیکرٹری ݙسایا جو گزریل حکومت آلے ریڈیو پاکستان دی عمارت ویچݨ لڳے ہن ۔ 2018ء اچ اینکوں جتھاں چھوڑیا ‘ ایں کوں تباہ کیتا ڳئے ۔ ریڈیو کوں آپݨے پیراں تے کھڑا کرݨ کیتے کجھ نی کیتا ڳیا ‘ 50 کروڑ روپے اے جی پی آر کنے پئن ھک ہفتے اچ سارے بقایا جات ادا کرݙیسوں ۔ مولانا عبدالاکبر چترالی دے سوال دے جواب اچ آکھیے جو گزریل وزیر اطلاعات موصوف دی پالیسی دا خمیازہ ادارے دے ملازمین بھوڳیندے پئن ‘ انہاں دی غلط پالیسیاں دی وجہ توں ملازمین کوں پنشن نی ملی ۔ وزیر اطلاعات ٻہوں محنت نال اے معاملہ حل کیتے ۔