اسلام آباد۔12دسمبر(اے پی پی) صدر مملکت ڈاکٹرعارف علوی معاشرے توں خصوصی لوکاں دے خلاف امتیازی سلوک ختم کرݨ کیتے قومی اتے صوبائی سطح تے ھک جامع آگاہی مہم دی لوڑھ تے زور ݙیندے ہوئیں آکھیے جو آجر خصوصی لوکاں دی معذوری کوں سامݨے رکھیندے ہوئیں خصوصی ملازمتاں پیدا کرن تاں جو انہاں دی مکمل صلاحیتاں کوں بروئے کار گھن آیا ونڄ سڳے۔ ایوانِ صدر دے پریس ونگ موجب صدر مملکت …
صدر مملکت ڈاکٹر عارف علوی کوں چیئرمین نادرا طارق ملک دی خصوصی لوکاں دی رجسٹریشن تے بریفنگ
اسلام آباد۔12دسمبر(اے پی پی) صدر مملکت ڈاکٹرعارف علوی معاشرے توں خصوصی لوکاں دے خلاف امتیازی سلوک ختم کرݨ کیتے قومی اتے صوبائی سطح تے ھک جامع آگاہی مہم دی لوڑھ تے زور ݙیندے ہوئیں آکھیے جو آجر خصوصی لوکاں دی معذوری کوں سامݨے رکھیندے ہوئیں خصوصی ملازمتاں پیدا کرن تاں جو انہاں دی مکمل صلاحیتاں کوں بروئے کار گھن آیا ونڄ سڳے۔ ایوانِ صدر دے پریس ونگ موجب صدر مملکت اے ڳالھ چیئرمین نادرا محمد طارق ملک دی طرفوں سنوار کوں ایوان صدر اچ معذور لوکاں دی رجسٹریشن متعلق بریفنگ اچ آکھی اے ۔ انہاں آکھیے تربیتی ادارے خصوصی لوکاں دی شمولیت کیتے اقدامات کرن ، خصوصی نصاب ات تکنیک وضع کرن ، پاکستان اچ خصوصی لوکاں دی معذوری دا جائزہ گھنݨ کیتے میڈیکل بورڈ دے ٹرمز آف ریفرنس اتے طریقہ کار ھکو سواں ہووݨاں چاہیدے ، انہاں تعلیمی اداریں اچ خصوصی لوکاں نال بلاامتیاز سلوک اتے مکمل رسائی ݙیوݨ تے وی زور ݙتا ۔ صدر مملکت معذور لوکاں دی نادرا اچ رجسٹریشن اتے شناختی کارڈ دے اجرا، صحت دیاں سہولتاں ݙیوݨ ، اتے معذوری دی سطح اتے ایندی نوعیت دا اندازہ لاوݨ کیتے ھکو سویں ، جامع اتے ہمہ جہت سہولتاں دی لوڑھ تے زور ݙیندے ہوئیں آکھیے جو خصوصی لوک معاشرے دے مساوی ارکان ہن تے انہاں دی شمولیت ھک مضبوط اتے صحت مند معاشرے دی ترقی کیتے ضروری اے ۔ ڈاکٹر عارف علوی آکھیے آجراں کوں چاہیدے جو خصوصی لوکاں دی معذوری کوں سامݨے رکھݨ تے انہاں کیتے خصوصی ملازمتاں پید کرݨ دے نال نال انہاں کوں معاون ٹیکنالوجی ݙیون تاں جو انہاں دی مکمل صلاحیتاں کوں بروئے کار گھن آیا ونڄ سڳے۔
