پاک بحریہ بحری سلامتی دے چیلنج نال ٻݨݨ، سمندری و بحری حدود دے تحفظ کیتے ودھ کردار ادا کریندی پئی اے، صدر مملکت ڈاکٹر عارف علوی

اسلام آباد/لاہور۔15دسمبر(اے پی پی)صدر مملکت ڈاکٹر عارف علوی آکھیے جو پاک بحریہ مجموعی سکیورٹی اتے بحری سلامتی دے چیلنج نال نٻݨݨ اتے پاکستان دی سمندری و بحری حدود دے تحفظ کیتے وݙا کردار ادا کریندی پئی اے، پاک بحریہ موسمیاتی تبدیلی پاروں آوݨ آلے سیلاب اچ متاثرین کوں علاج معالجہ، رسد اتے ریلیف کیتے بہترین کم کیتے۔ اے ڳالھ انہاں پاکستان نیوی وار کالج لاہور اچ پنجویں میری ٹائم سکیورٹی ورکشاپ نال خطاب اچ آکھی۔ انہاں آکھیا جو بحری جارحیت اتے سمندری حداں دے تحفظ کیتے بحریہ دا کردار اہم اے، ساکوں ڄڳ اچ ٻݨݨ آلے نویں اتحاد دی صورتحال اچ ہر ویلھے تیار رہݨا ہوسی، ویلھے سر پالیسی سازی نال فیصلیاں پاروں ہی ملکی سلامتی یقینی ٻݨائی ونڄ سڳدی اے، جدید ٹیکنالوجی اتے تعلیم تے خصوصی توجہ ݙیوݨی ہوسی۔ صدر آکھیا جو نو آبادیاتی دور اچ بحریہ کوں علاقے اچ تسلط قائم کرݨ کیتے استعمال کیتا ڳئے اتے سمندری حدود آلے ملکاں تے ودھ دبائو پاتا ڳئے، پاکستان اپݨی مضبوط افواج پاروں ہی ڄڳ دے اڳو باوقار انداز اچ کھڑے۔