عوام عمران خان دا چور چور آلا راگ سݨݨ بند کرݙتے، پی ٹی آئی تعلیمی اداریاں کوں سیاسی اکھاڑا ٻݨاوݨ اتے ٻالاں کوں سیاست وات کرݨ بند کرے، وزیر اطلاعات مریم اورنگزیب

اسلام آباد۔15دسمبر(اے پی پی)وفاقی وزیر اطلاعات و نشریات مریم اورنگزیب آکھیے جو عوام عمران خان دا چور چور دا کوڑا بیانیہ سݨم بند کر ݙتے، پنجاب حکومت دے ذریعے تعلیمی اداریاں کوں سیاسی اکھاڑا ٻݨاوݨ اتے ٻالاں کوں گھٹیا سیاست اچ ڳھیلݨ دا سلسلہ بند کیتا ونڄے۔ اے ڳالھ انہاں صحافیاں نال الیندے آکھی جو پی ٹی آئی پنجاب حکومت دے ذریعے سکولاں، کالجاں اتے یونیورسٹیاں کوں ناجائز اختیارات نال سیاسی اکھاڑہ ٻݨاوݨ اچ لڳی ہوئی اے، نوجوان نسل کوں گمراہ کرݨ چنڳی ڳالھ نئیں، نینگر ڄاݨدن جو او کہین وی فسادی اتے گھٹیا سیاست دا حصہ نا ٻݨسن۔ انہاں آکھیا جو عمران خان دی چار سال دی کارکردگی اڳو اے، اے الزام ٻنھاں تے لیندے رہین اتےچ وریاں آپ کریندے رہین، توشہ خانہ صرف گھڑیاں دا معاملہ نئیں، اے ہک اوپن اینڈ شٹ کیس اے، چار سال ملک تے پروپیگنڈا گروہ مسلط ھا، انہاں جیڑھے وی الزام لائن اوندے اچوں ہک وی ثابت نئیں کر سڳیے، ٻنھاں توں حساب منڳݨ آلے کوں اپݨے چار سالان دا پہلے حساب ݙیوݨا چاہیدے۔