وزیر خارجہ بلاول بھٹو زرداری دی اقوام متحدہ دے سیکرٹری جنرل انتونیو گوئٹریس نال نیویارک اچ ملاقات

اسلام آباد۔16دسمبر(اے پی پی):وزیر خارجہ بلاول بھٹو زرداری اقوام متحدہ دے سیکرٹری جنرل انتونیو گوئٹریس نال نیویارک اچ ملاقات کیتی۔ دفتر خارجہ موجب وزیر خارجہ سیکرٹری جنرل کوں ملک اچ تباہی آلے سیلاب دے تناظر اچ پاکستان نال اظہار یکجہتی اتے وݙے پیمانے تے مدد کرݨ تے آندے سال 9 جنوری کوں جنیوا اچ موسمیاتی تبدیلیاں دے پاکستان تے اثرات بارے بین الاقوامی کانفرنس دی مشترکہ میزبانی کرݨ تے انہاں دی تعریف کیتی ۔ وزیر خارجہ کانفرنس اچ اہم عطیہ دہندگان، ترقیاتی اداریں اتے نجی شعبے دی شرکت تے سیلاب متاثرین دی بحالی دے پاکستان دے جامع منصوبے دی تجاویز دی حمایت کیتے حوصلہ افزائی تے سیکرٹری جنرل توں مسلسل تعاون دی خواہش دا اظہار کیتے۔ سیکرٹری جنرل جاری انسانی امدادی کماں دے نال نال لمبی مدت بحالی تے نویں سروں تعمیر کیتے اقوام متحدہ دی مکمل حمایت اتے تعاون دا اعادہ کیتے۔ سیکرٹری جنرل آکھیے کانفرنس دی کامیابی تے پاکستان دی نویں سروں تعمیر اولین ترجیح اے ۔ سیکرٹری جنرل ترقی پذیر ملکاں کوں پیش آندے وختی چیلنجز تے قابو پاوݨ کیتے ھک متفقہ اتے جامع حکمت عملی بݨاوݨ کیتے G-77 اتے چین دی خصوصی وزارتی کانفرنس سݙݨ دے وزیر خارجہ دے وختی اقدام دی وی تعریف کیتی ۔