کفالت پروگرام دے تحت اڄوکے سال مئی توں اکتوبر تئیں 49.84 ارب روپے مستحقین کوں ݙتے ڳئن

اسلام آباد۔19دسمبر(اے پی پی) بینظیر انکم سپورٹ پروگرام (بی آئی ایس پی) دے ذریعے اڄوکے سال مئی توں اکتوبر 2022 تئیں بے نظیر کفالت پروگرام دے مستحقین اچ تقریباً 49.84 ارب روپے دی رقم ونڈی ڳعی اے ،کفالت پروگرام توں فیدہ چاوݨ آلیں دی تعداد ھک غیر مشروط کیش ٹرانسفر (یو سی ٹی ) اقدام اے، کوں مئی توں اکتوبر تئیں 7.2 ملین توں ودھا تے 8.5 ملین کرݙتا ڳئے۔ سرکاری ذرائع ݙسائے جو ایں ویلھے کفالت پروگرام دے اندراج شدہ/رجسٹرڈ فیدہ چاوݨ آلیں دی تعداد تقریباً 8.58 ملین اے تاں جو موجودہ حکومت جون 2023 تئیں ایں تعداد کوں 9 ملین تئیں ودھاوݨ دا ہدف مقرر کیتے ۔بی آئی ایس پی بورڈ ہݨے ہی ایں پروگرام دے تحت خواجہ سراؤاں کوں رلاوݨ کیتےھک پالیسی دی منظوری ݙتی اے جیں کیتے انہاں کوں نادرا توں شناختی کارڈ فارم حاصل کرݨا ہوسی جیں اچ واضح طور تے انہاں دی جنس کوں بطور ‘ٹرانس جینڈر’ درج کیتا ڳئے ۔ٹارگٹڈ پٹرولیم سبسڈی پروگرام بارے ذرائع ’’اے پی پی ‘‘کوں ݙسائے جو مئی توں اکتوبر 2022 تئیں ایں اقدام دے تحت تقریباً 8.67 ملین مستحقین اچ تقریباً 17.35 بلین روپے دی رقم ونڈی ڳئی اے ۔ اے اقدام غریباں تے کمزور خانداناں کوں ایندھن دیاں ودھدیاں قیمتاں دے اثرات توں بچاوݨ کیتے شروع کیتا ڳیا ہئی تاں جو بی آئی ایس پی دے موجودہ باقاعدہ فیدہ چاوݨ آلیں دے نال نال نیشنل سوشل اکنامک رجسٹری (این ایس ای آر ) ڈیٹا بیس دا استعمال کریندے ہوئیں اضافی فیدہ چاوݨ آلیں کوں 2,000 روپے دی اضافی نقد سبسڈی ݙتی ونڄ سڳے ۔فلڈ ریلیف پروگرام بارے سرکاری ذرائع ݙسائے جو اگست توں اکتوبر 2022 تئیں وزیراعظم دے فلڈ ریلیف کیش اسسٹنس پروگرام دے تحت اڄوکے سال تباہ کن سیلاب توں متاثر تھیوݨ آلے تقریباً 2.76 ملین خانداناں اچ تقریباً 69 ارب روپے دی رقم ونڈی ڳئی اے ۔بی آئی ایس پی دے ذریعے ملک اچ اڄوکے سیلاب توں متاثرہ خانداناں کوں فی خاندان 25,000 روپے دی وختی نقد امداد ونڈی ڳئی اے ۔ بینظیر تعلیم وظیفہ پروگرام دے تحت جیڑھا جو ھک مشروط کیش ٹرانسفر (سی سی ٹی)مداخلت اے۔ ذرائع ݙسائے جو پروگرام دے شروع توں گھن تے ہݨ تئیں 10.5 ملین ٻالاں دا اندراج کیتا ڳئے تاں جو مذکورہ مدت یعنی مئی 2022 توں اکتوبر 2022 تئیں 1.8 ملین ٻالاں دا اندراج کیتا ڳئے جݙاں جو ایں عرصے اچ 15 ارب روپے دی رقم تعلیمی وظیفہ دے طور تے ونڈی ڳئی اے ۔ اے پروگرام ایں ڳالھ کوں منیندے ہوئیں شروع کیتا ڳیا ہئی جو بی آئی ایس پی توں فیدہ چاوݨ آلے گھراݨے اچ ٻہوں سارے ٻال سکول نی ویندے پئے ، سال 2012 اچ بی آئی ایس پی دے مستحق خانداناں کوں پرائمری تعلیم کیتے فی ترائے مہینے اضافی نقد رقم ݙتی اے ۔ جولائی 2021 توں پروگرام دا دائرہ پرائمری توں سیکنڈری اتے ہائیر سیکنڈری سطح تئیں کھنڈیا ہویا اے تے فی الحال پورے ملک اچ کم کریندا پئے ۔سی سی ٹی بے نظیر نشوونما پروگرام بارے سرکاری ذرائع ݙسائے جو مئی توں اکتوبر 2022 تئیں اندراج شدہ مستحقین اچ کل 162,964,000 روپے ݙتے ڳئن ۔ ایں پروگرام دا مقصد حاملہ اتے کھیر پلاوݨ آلیاں تریمتاں (پی ایل ڈبلیو) اتے انہاں دے ݙو سال توں گھٹ عمر دے ٻالاں اچ سٹنٹنگ نال نبݨݨ کیتے 2 ہزار فی پی ایل ڈبلیو فی ترائے مہینے نقد رقم دی فراہمی بی آئی ایس پی دے مستحق خانداناں دی 25 ہزار روپے فی ترائے مہینے کیتے ہے ، ایں دے بدلے اچ ماواں کوں حمل دے دوران باقاعدگی نال ڄاوݨ توں پہلے صحت دی ݙیکھ بھال تے آگاہی سیشنز اچ شرکت کرݨ، خصوصی غذائیت توں بھرپور خوراک دا استعمال کرݨ تے آپݨے ٻالاں کوں حفاظتی ٹیکہ جات اتے صحت دی باقاعدہ ݙیکھ بھال کیتے گھن ونڄݨ دا عہد کرݨا چاہیدے ۔بینظیر انڈر گریجویٹ اسکالرشپ پراجیکٹ (بی یو ایس پی ) دی موجودہ صورتحال بارے ذرائع انکشاف کیتے جو اسکالرشپ کیتے 10 ہزار طلبا دا اندراج کرتے انرولمنٹ دا عمل مکمل کرڳھدا ڳئے ۔مالی سال 2021-22 کیتے مختص کیتے ڳئے 7.346 بلین روپے دا پورا بجٹ مئی 2022 اچ جاری کیتا ڳیا ہئی ۔ موجودہ مالی سال ستمبر 2022 اچ مختص کیتی ڳئی 9.27 بلین روپے دے کل بجٹ وچوں 2.24 بلین روپے دی مزید رقم جاری کیتی ڳئی اے ۔ہائر ایجوکیشن کمیشن (ایچ ای سی) پاکستان دیاں ساریاں 132 یونیورسٹیاں کوں رقم ݙیوݨ دے عمل وچ ہے ۔