اسلام آباد۔21دسمبر (اے پی پی):وفاقی وزیر منصوبہ بندی ، ترقی ، اصلاحات و خصوصی اقدامات پروفیسر احسن اقبال آکھیے امن ،استحکام اتے پالیسیاں دا تسلسل ہی ملک دی ترقی دا ضامن اے، اساں مستقبل دی نسل کوں پائیدار ترقی دی بنیاد دینی اے،معاشرے اچ ترقی کیتے ہم آہنگی اتے تعاون لازمی اے ،نینگراں کوں منافرت اتے عدم برداشت دے عوامل اتے عناصر توں بچاوݨا ہوسی ۔ اے ڳالھ انہاں پاکستان انٹرنیشنل فوڈ، نیوٹریشن ، ہیلتھ کئیر سمٹ توں خطاب کریندے ہوئیں آکھی اے ۔ وفاقی وزیر آکھیے کامیاب نظام اچ علم کوں استعمال کرݨ تے ایں توں فیدہ چاوݨ دی صلاحیت ہوندی اے ۔ عالمی سطح تے مقابلہ معیشت دی بنیاد تے تھیندا پئے ۔ انہاں آکھیے پاکستان دے مستقبل کوں محفوظ کرݨ کیتے ٻہوں تکھے معاشی میدان اچ ترقی کرݨی اے۔پاکستان اچ بہترین اذہان دے وسائل موجود ہن ۔امن ،استحکام اتے پالیسیاں دا تسلسل ہی ملک دے ترقی دا ضامن اے۔ وفاقی وزیرآکھیے اساں مستقبل دی نسل کوں پائیدار ترقی دی بنیاد ݙیوݨی اے ۔ نوجوان ایں ملک دا مستقبل ہن ۔معاشرے اچ ترقی کیتے ہم آہنگی اتے تعاون لازمی اے ۔نینگراں کوں منافرت تے عدم برداشت دے عوامل اتے عناصر توں بچاوݨا ہوسی ۔ پاکستان دی تعمیر نو کیتے پاکستان بݨاؤ تحریک دا حصہ بݨݨا ہوسی ۔ احسن اقبال آکھیے برآمدات کوں ودھاوݨ اولین ترجیح اے
