اسلام آباد۔21دسمبر(اے پی پی) وفاقی وزیر داخلہ رانا ثناءاللہ بنوں اچ دہشت گرداں دے خلاف کامیاب آپریشن تے سکیورٹی فورسز کوں خراج تحسین پیش کریندے ہوئیں آکھیے جو دہشت گردی مکاوݨ اولین قومی ترجیح اے۔ آپݨے ھک بیان اچ وزیر داخلہ رانا ثناءاللہ خان آکھیے رغمالیاں دی رہائی تے سکیورٹی فورسز کوں مبارخ ݙیندوں ، انہاں دی پیشہ ورانہ صلاحیت لائق تحسین اے۔ انہاں آکھیے شہدا قوم دے ہیرو تے محسن ہن ۔اساکوں انہاں دی شجاعت تے فخر اے۔ انہاں آکھیے 2014 دے جذبے توں دہشت گردی دے مکمل خاتمے دی جدوجہد کریسن ۔ انہاں آکھیے دہشت گردی دے واقعات دے مکمل خاتمے کیتے جامع اقدامات کریندے پیوں ۔ انہاں آکھیے وزیر اعلی خیبرپختونخوا صوبے اچ امن وامان دی سنگین صورتحال تے وی توجہ ݙیون ۔وزیر داخلہ دہشت گرداں دے خلاف آپریشن اچ زخمی تھیوݨ آلیں دی وختی صحت یابی کیتے دعا کیتی۔
