دہشت گردی دا ول سر چاوݨ ساݙی قومی سلامتی کیتے ھک نویں خطرے دا باعث اے، وزیراعظم شہباز شریف

اسلام آباد۔21دسمبر(اے پی پی) وزیراعظم محمد شہباز شریف آکھیے جو دہشت گردی دا ول سر چاوݨ ساݙی قومی سلامتی کیتے نواں خطرہ اے ۔ ساݙی بہادر سکیورٹی فورسز ایں خطرے نال نبݨݨ دی پوری صلاحیت رکھیندی اے ۔آپݨے ٹویٹ اچ وزیراعظم آکھیے جو دہشت گردی دا ول سر چاوݨ ساݙی قومی سلامتی کیتے ھک نویں خطرے دا باعث اے ۔ ساݙی بہادر سکیورٹی فورسز ایں خطرے نال نبݨݨ دی پوری صلاحیت رکھیندی اے ۔ بنوں آپریشن اچ حصہ گھنݨ آلے دھرتی دے بہادر پتراں کوں خراج تحسین پیش کرینداں ۔انہاں دعا کیتی جو اللہ ساݙے شہداء دیاں قربانیاں کوں قبول فرماوے۔