وزیر خارجہ بلاول بھٹو زرداری نال اماراتی ہم منصب شیخ عبداللہ بن زاید النہیان دا ٹیلی فونک رابطہ

اسلام آباد۔22دسمبر(اے پی پی) وزیر خارجہ بلاول بھٹو زرداری نال متحدہ عرب امارات دے وزیر خارجہ امور اتے بین الاقوامی تعاون شیخ عبداللہ بن زاید النہیان ٹیلی فون تے ڳالھ مہاڑ کیتی اے ۔ڳالھ مہاڑ اچ ݙوہیں رہنماواں افغانستان اچ تھیوݨ آلی پیش رفت اتے افغانستان دیاں یونیورسٹیاں اچ چھوہریں تے تریمتاں دی تعلیم تے پابندی دے طالبان دے فیصلے تے ڳالھ مہاڑ کیتی ۔ ترجمان دفتر خارجہ موجب ٹیلی فونک رابطے اچ پاکستان اتے متحدہ عرب امارات دے وزرائے خارجہ افغانستان اچ سلامتی، استحکام اتے امن دی حمایت اچ آپݨے تکڑے موقف دا اعادہ کریندے ہوئیں افغان عوام دے پائیدار مستقبل کیتے بین الاقوامی کوششاں کوں اڳوں ودھاوݨ تے تریمتاں دے حقوق دے تحفظ کوں یقینی بݨاوݨ دی لوڑھ دے نال نال زندگی دے سارے شعبیں اچ تریمتاں تے چھوہریں دی مکمل تے مساوی شرکت دی اہمیت کوں مسلم قرارݙیندے ہوئیں ݙوہیں رہنماواں آکھیے جو اسلام تریمتاں کوں ھک اہم مقام ݙتے تے انہاں دے حقوق دے تحفظ کیتے زور ݙیندے ۔ وزیر خارجہ بلاول بھٹو زرداری اتے شیخ عبداللہ بن زید النہیان ڳالھ مہاڑ اچ فغانستان اچ سلامتی، استحکام اتے امن دی حمایت اچ آپݨے تکڑے موقف تے افغان عوام دے پائیدار مستقبل کیتے بین الاقوامی کوششاں کوں اڳوں ودھاوݨ تے وی زور ݙتا ۔