میڈیا ملک کوں پیش آندے چیلنجز دے حوالے نال موثراتے فعال کردار ادا کیتے، سیکرٹری اطلاعات شاہیرہ شاہد

اسلام آباد۔28دسمبر(اے پی پی)وفاقی سیکرٹری اطلاعات ونشریات شاہیرہ شاہد آکھیے جو میڈیا ملک کوں درپیش چیلنجز دے حوالے نال موثر اتے فعال کردار ادا کیتے،پاکستان انفارمیشن سینٹر دے قیام دا مقصد پورے ملک دے صحافیاں کوں جدید پیشہ ورانہ تربیت ݙیوݨا اے۔ اے ڳالھ انہاں ٻدھ کوں وزارت اطلاعات و نشریات اتے پریس انفارمیشن ڈیپارٹمنٹ (پی آئی ڈی) دے خصوصی اقدام، پاکستان انفارمیشن سینٹرز دے زیراہتمام انفارمیشن سروس اکیڈمی اچ ”خبراں دی صداقت، نقلی خبراں اتے ریاست مخالف پروپیگنڈے دے تدارک“ دے عنوان توں ڈو ݙینھ وار تربیتی ورکشاپ دی افتتاحی تقریب توں خطاب کریندے ہوئیں آکھی اے ۔ انہاں آکھیے مختلف شہراں اچ پرنٹ، الیکٹرانک اتے سوشل میڈیا نال وابستہ صحافیاں کوں صحافت اچ جدید رحجانات اتے درپیش چیلنجز دے حوالے نال مختلف موضوعات تے تربیت ݙتی ویندی پئی اے ، پاکستان انفارمیشن سینٹر دے قیام دا مقصد پورے ملک دے صحافیاں کوں جدید پیشہ ورانہ تربیت ݙیوݨا اے ۔ انہاں آکھیے ایں ورکشاپ دا مقصد میڈیا دے نمائندیں کوں ریاست دے مفادات بارے آگاہی اتے موقف ݙیوݨا اے کیوں جو موجودہ دور اچ خبراں دی صداقت اتے نقلی خبراں چیلنج ہن۔ انہاں آکھیے میڈیا ریاست دا چوتھا ستون اے تے ایں ملک کوں پیش آندے چیلنجز دے حوالے نال آگاہی پیدا کرݨ اچ اہم کردار اے ۔ سیکرٹری اطلاعات آکھیے ملک اچ اسلام آباد سودھے 7 مرکز اچ صحافیاں کیتے پاکستان انفارمیشن سینٹرز اچ تربیتی ورکشاپس منعقد کیتیاں ویندیاں پئن ۔ایندے توں پہلے پاکستان انفارمیشن سینٹرز دے ڈائریکٹر محمد صغیراحمد پاکستان انفارمیشن سینٹرز دے زیراہتمام جاری ورکشاپس اتے پی آئی سی دی کارکردگی دے حوالے نال ݙسائے ۔ انہاں آکھیے گزریل پاکستان انفارمیشن سینٹر دی طرفوں مختلف موضوعات تے ملک اچ 16 تربیتی ورکشاپس دا انعقاد کیتا ڳئے جنہاں اچوں 700 توں ودھ صحافیاں کوں تربیت ݙتی ڳئی۔ پاکستان انفارمیشن سینٹردی طرفوں اڄوکے مہینے 7 شہراں اچ اہم موضوعات تے تربیتی ورکشاپس دا انعقاد کیتا ویندا پئے۔