اسلام آباد۔28دسمبر(اے پی پی):صدر مملکت ڈاکٹر عارف علوی آکھیے پوری قوم دہشت گردی دے خلاف جنگ اچ ھک مٹھ اے ، شہداء دی ملک کوں دہشت گردی توں پاک کرݨ کیتے ݙتیاں ونڄݨ آلیاں قربانیاں یاد رکھیاں ویسن ، شہداء دی قربانیاں پاروں اساں دہشت گردی توں پوری جند چھڑویسوں ۔ ایوان صدر دے پریس ونگ توں جاری بیان موجب صدر مملکت ڈاکٹر عارف علوی 23 دسمبر کوں آئی ٹین …
پوری قوم دہشت گردی دے خلاف جنگ اچ ھک مٹھ اے ، شہداء دیاں قربانیاں پاروں دہشت گردی توں پوری جند چھڑویسوں ، صدر ڈاکٹر عارف علوی دی شہداء دے لواحقین نال ٹیلیفونک ڳالھ مہاڑ
مزید خبراں
اسلام آباد۔28دسمبر(اے پی پی):صدر مملکت ڈاکٹر عارف علوی آکھیے پوری قوم دہشت گردی دے خلاف جنگ اچ ھک مٹھ اے ، شہداء دی ملک کوں دہشت گردی توں پاک کرݨ کیتے ݙتیاں ونڄݨ آلیاں قربانیاں یاد رکھیاں ویسن ، شہداء دی قربانیاں پاروں اساں دہشت گردی توں پوری جند چھڑویسوں ۔ ایوان صدر دے پریس ونگ توں جاری بیان موجب صدر مملکت ڈاکٹر عارف علوی 23 دسمبر کوں آئی ٹین ، اسلام آباد اچ خود کش دھماکہ اچ شہید تھیوݨ آلے پولیس دے ہیڈ کانسٹیبل سید عدیل حسنین دے اہلخانہ نال ٹیلی فون تے ڳالھ کیتی تے شہید دے گھر آلیں کوں حکومت دی طرفوں ہر ممکن تعاون دا یقین ݙیوائے ۔ انہاں 25 دسمبر کوں کوہلو، بلوچستان اچ دھماکہ اچ شہید تھیوݨ آلے پاک فوج دے جواناں دے ورثاء نال وی ٹیلی فون تے اظہار افسوس کیتے۔ صدر مملکت کیپٹن محمد فہد خان اتے سپاہی اصغر الدین دے لواحقین نال فون تے ڳالھ کیتی۔ انہاں سپاہی محمد شمعون اتے لانس نائیک محمد امتیاز دے ورثاء نال وی اظہار تعزیت کیتے۔ صدر مملکت شہداء کوں انہاں دی بہادری ، فرض شناسی اتے قوم کیتے قربانی تے خراج تحسین پیش کیتے۔ صدر مملکت شہداء دے خانداناں دی وطن کیتے قربانی دے جذبے دی تعریف کیتی ۔ صدر مملکت سارے شہداء کوں وطن کیتے خدمات تے جان دی قربانی پیش کرݨ تے خراج عقیدت پیش کیتے۔ صدر مملکت آکھیے شہداء دی ملک کوں دہشت گردی توں پاک کرݨ کیتے ݙتیاں ونڄݨ آلیاں قربانیاں یاد رکھیاں ویسن ، پوری قوم دہشت گردی دے خلاف ھک مٹھ اے ۔
