ملکی سالمیت کیتے اساکوں ذاتی مفادات توں بالاتر تھی تے سوچݨا ہوسی ، وفاقی وزیر احسن اقبال

لاہور۔31دسمبر(اے پی پی) وفاقی وزیر ترقی ومنصوبہ بندی احسن اقبال آکھیے جوملکی مفاد اتے سالمیت کیتے اساکوں مفادات توں بالاتر تھی تے سوچݨا ہوسی ،ملکی معیشت کوں بحال کرݨ دے چیلنج کوں قبول کیتا،سیاسی فیصلے نی کیتے ،ٹیکنو کریٹ دی حکومت دا آئین اچ کوئی کوئی وجود کائنی،موجودہ حکومت ملکی معیشت کوں بحال کرݨ کیتے کوشاں اے ،پاکستان وختی بحراناں توں نکل آسی ،عمران خان حکومت دے غلط اقدامات دی وجہ توں دہشتگردی ول سر چیندی پئی اے ۔ اے ڳالھ او ہفتے کوں اتھاں ماڈل ٹائون اچ پریس کانفرنس توں خطاب کریندے ہوئیں آکھی اے ۔احسن اقبال آکھیے عمران خان سویلےشام پاکستان دی عوام اچ مایوسی کھنڈیندے پئن کݙاہیں آکھدن جو پاکستان ڈیفالٹ تھی ویسی تے کݙاہیں آئی ایم ایف دے پروگرام کوں ٹارگٹ کریندے پئن ،عمران خان جے پاکستان دی تعمیر اچ حصہ نی گھن سڳدے تاں گھٹ توں گھٹ آپݨی زبان کوں بند رکھن تے موجودہ حکومت کوں پاکستان دے معیشت دی بحالی دے حوالے نال کوششاں کرݨ ݙیون ۔