اسلام آباد۔1جنوری(اے پی پی) وزیراعظم دے معاون خصوصی تخفیف غربت تے سماجی تحفظ فیصل کریم کنڈی اڄوکے سال دے شروع اچ بے نظیر انکم سپورٹ پروگرام ( بی آئی ایس پی) دے تحت "نواں سروے" شروع کرݨ دا اعلان کیتے ۔ اتوار کوں جاری تھیوݨ آلے ھک ویڈیو پیغام اچ وزیراعظم دے معاون خصوصی نویں سال دے موقع تے قوم کوں مبارخ ݙیندے ہوئیں آکھیے جو گزریل سال پاکستان کوں …
معاون خصوصی فیصل کریم کنڈی دا اڄوکے سال دے شروع اچ بے نظیر انکم سپورٹ پروگرام دے تحت “نواں سروے” شروع کرݨ دا اعلان
مزید خبراں
اسلام آباد۔1جنوری(اے پی پی) وزیراعظم دے معاون خصوصی تخفیف غربت تے سماجی تحفظ فیصل کریم کنڈی اڄوکے سال دے شروع اچ بے نظیر انکم سپورٹ پروگرام ( بی آئی ایس پی) دے تحت “نواں سروے” شروع کرݨ دا اعلان کیتے ۔ اتوار کوں جاری تھیوݨ آلے ھک ویڈیو پیغام اچ وزیراعظم دے معاون خصوصی نویں سال دے موقع تے قوم کوں مبارخ ݙیندے ہوئیں آکھیے جو گزریل سال پاکستان کوں کورونا تے سیلاب دی وجہ توں ٻہوں ضیان چاوݨا پیا لیکن اساں گراس روٹ لیول تے مستحق لوکاں کوں ودھ توں دھ سہولتاں ݙیوݨ دی ہر ممکن کوشش کریندے پیوں ۔ انہاں آکھیے اڄوکے سال خواجہ سرواں کوں بے نظیر کفالت پروگرام اچ شامل کیتا ویندا پئے جیڑھا جو ایں پسماندہ کمیونٹی دی مالی آزادی کوں یقینی بݨاوݨ دے پاسے ھک بہترین قدم اے۔انہاں آکھیے سال دے آغاز اچ بی آئی ایس پی دے پنج لکھ اسی ہزار مستحقین کفالت پروگرام دی نویں قسط حاصل کرݨ ویندے پیوں جݙاں جو انہاں مستحقین دے ٻالاں دے تعلیمی وظیفے وی پڄائے ویسن ۔ انہاں آکھیے اساں بحیثیت قوم قدرتی موسم اتے اوکھے ویلھے ہمیشہ ہتھ ملائے تے اتحاد دے نال سارے چیلنجز دا مقابلہ کیتے۔
