پاکستان تے بھارت دے درمیان جوہری تنصیبات اتے سہولتاں بارے فہرستاں دا تبادلہ ،اے عمل اسلام آباد اتے دہلی اچ انجام پاتا، ترجمان دفتر خارجہ

اسلام آباد۔1جنوری(اے پی پی) پاکستان تے بھارت دے حکام 31 دسمبر 1988 دے معاہدے دے تحت اتوار کوں سانجھے جوہری تنصیبات اتے سہولتاں بارے فہرستاں دا تبادلہ کیتا، اے عمل اسلام آباد تے نئی دہلی اچ انجام پاتا۔ اتوار کوں ترجمان دفتر خارجہ دی طرفوں جاری بیان اچ آکھیا ڳئے جو معاہدے دے مطابق پاکستان اچ جوہری تنصیبات اتے سہولتاں دی فہرست باضابطہ طور تے وزارت خارجہ اچ بھارتی ہائی کمیشن دے نمائندے دے حوالے کیتی ڳئی ، اتھاں ،بھارتی وزارت خارجہ نئی دہلی اچ پاکستانی ہائی کمیشن دے نمائندے کوں آپݨے ملک دی نیوکلیئر تنصیبات اتے سہولتاں دی فہرست ݙتی ۔ انہاں ݙسائے 31 دسمبر 1988 کوں طے پاوݨ آلے معاہدےاچ طے کیتا ڳیا ہئی جو ݙوہیں ملک ہر سال یکم جنوری کوں ھک ݙوجھے کو آپݨی جوہری تنصیبات اتے سہولتاں بارے آگاہ کریسن ، بعد اچ 27 جنوری 1991 اچ ایندی توثیق کیتی ڳئی ہئی ۔وزارت خارجہ دا آکھݨ اے جو فہرستاں دے تبادلے دا سلسلہ یکم جنوری 1992 توں جاری اے۔