پاکستان اتے بھارت دا سفارتی ذرائع توں ھک ݙوجھے دی تحویل اچ قیدیاں دی فہرستاں دا تبادلہ کیتا

اسلام آباد۔1جنوری(اے پی پی) پاکستان اتے بھارت اتوار کوں سفارتی ذرائع توں ھک ݙوجھے دی تحویل اچ قیدیاں دی فہرستاں دا تبادلہ کیتا۔ ترجمان دفترخارجہ دی طرفوں جاری بیان موجب فہرستاں دا ھکے ویھلے تبادلہ 2008 دے قونصلر رسائی دے معاہدے دے تحت تھیا۔ معاہدے دے تحت ݙوہیں ملکاں ہر سال یکم جنوری تے یکم جولائی کوں ھک ݙوجھے دی تحویل قیدیاں دیاں فہرستاں دا تبادلہ کریندن ۔حکومت پاکستان اسلام آباد اچ بھارتی ہائی کمیشن دے نال پاکستان اچ زیر حراست 705 بھارتی قیدیاں دی فہرست شیئر کیتی جیں اچ 51 سوئلین اتے 654 ماہی گیر شامل ہن۔بھارتی حکومت نئی دہلی اچ پاکستان دے ہائی کمیشن دے نال بھارت اچ 434 پاکستانی قیدیاں دی فہرست وی شیئر کیتی ، جنہاں اچ 339 سوئلین قیدی اتے 95 ماہی گیر شامل ہن۔ایں توں علاوہ پاکستان اپݨے 51 سویلین قیدیاں تے 94 ماہی گیراں دی وختی رہائی تے وطن واپسی دی درخواست کیتی اے ، جنہاں آپݨی متعلقہ سزا پوری کر ڳھدی ۔ انہاں دی قومی حیثیت دی تصدیق تھی چکی اے ۔ ایں توں انڄ 1965 اتے 1971 دی جنگاں اچ لاپتہ تھیوݨ آلے دفاعی اہلکاراں کوں قونصلر رسائی ݙیوݨ تے 56 سول قیدیاں تئیں خصوصی قونصلر رسائی دی درخواست وی کیتی ڳئی اے ۔