حریت رہنماواں دا 5جنوری 1949دی سلامتی کونسل دیاں قرارداداں تے عملدرآمد دا مطالبہ

سرینگر۔2جنوری(اے پی پی) بھارت دے غیر قانونی زیر تسلط جموں و کشمیر اچ نظربند سینئر حریت رہنما مولوی بشیر عرفانی ،غلام نبی وار اتے دیویندر سنگھ بہل آکھیے جو 5جنوری 1949کوں اقوام متحدہ دی سلامتی کونسل ھک قرارداد منظور کرتے کشمیری عوام دے حق خودارادیت کوں من رکھیے ۔کشمیرمیڈیا سروس موجب حریت رہنماواں سرینگر اتے جموں توں آپݨے انڄ انڄ بیان اچ آکھیے جو بھارت مسئلہ کشمیر کوں خود اقوام متحدہ اچ گھن تے ڳیا ہئی تے ھک متفقہ قرارداد دے ذریعے اقوام متحدہ نال وعدہ کررکھیے جو او کشمیریاں کوں انہاں دا حق خودارادیت ݙیسی ۔ انہاں آکھیے اوں ویلھے دے بھارتی وزیراعظم آنجہانی جواہر لال نہرو اپݨے وعدے تے ھک خاص وقت تئیں قائم رہیے لیکن ویلھا لنگھݨ دے نال نال بھارت کشمیر کوں آپݨا اٹوٹ انگ قرارݙیوݨ دا راگ الاپݨ شروع کرݙتا ۔حریت رہنماواں آکھیے کشمیری عوام حق خود ارادیت دی جدوجہد اچ بے شمار قربانیاں ݙتن تے 75توں بھارتی ظلم دا سامݨا کرݨ دے باوجو د کشمیری عوام اپݨے ناقابل تنسیخ حق خود ارادیت گھنݨ کیتے پرعزم ہن۔