واشنگٹن ۔3جنوری(اے پی پی) کشمیر ڈائسپورا کولیشن کشمیری عوام نال جیڑھے 5جنوری 2023کوں پوری دنیا اچ حق خودارادیت دا ݙینھ منیندے پئن ، اظہار یکجہتی کریندے ہوئیں آکھیے 5جنوری 1949کوں اقوام متحدہ دے کمیشن بھارت وپاکستان (UNCIP) کشمیریاں کوں حق خودارادیت ݙیوݨ دی اپݨی قرارداد منظور کیتی ہئی ۔کشمیرمیڈیا سروس موجب کشمیر ڈائسپورا کولیشن میںورلڈ کشمیر اویئرنس فورم واشنگٹن ، کشمیر ہائوس استنبول، کشمیر سویٹاس کینیڈا،ورلڈ کشمیر فریڈم موومنٹ لندن، …
کشمیر ڈائسپورا کولیشن دا کشمیری عوام نال اظہار یکجہتی
مزید خبراں
واشنگٹن ۔3جنوری(اے پی پی) کشمیر ڈائسپورا کولیشن کشمیری عوام نال جیڑھے 5جنوری 2023کوں پوری دنیا اچ حق خودارادیت دا ݙینھ منیندے پئن ، اظہار یکجہتی کریندے ہوئیں آکھیے 5جنوری 1949کوں اقوام متحدہ دے کمیشن بھارت وپاکستان (UNCIP) کشمیریاں کوں حق خودارادیت ݙیوݨ دی اپݨی قرارداد منظور کیتی ہئی ۔کشمیرمیڈیا سروس موجب کشمیر ڈائسپورا کولیشن میںورلڈ کشمیر اویئرنس فورم واشنگٹن ، کشمیر ہائوس استنبول، کشمیر سویٹاس کینیڈا،ورلڈ کشمیر فریڈم موومنٹ لندن، تحریک کشمیربرطانیہ اتے یورپی یونین تے کشمیر کمپین گلوبل لندن شامل ہن۔کشمیر ڈائسپورا کولیشن ھک بیان اچ آکھیے جو ایں حق دے تحت ریاست جموں و کشمیر دے لوکاں کوں اقوام متحدہ دی نگرانی اچ آزادانہ تے غیر جانبدارانہ رائے شماری دا اختیار ݙتا ڳئے ۔ بیان اچ آکھیا ڳئے جو بدقسمتی نال بھارت کمیشن دے واضح مشن اتے 21اپریل 1948 دی اقوام متحدہ دی سلامتی کونسل دی بنیادی قرارداد کوں نافذ کرݨ اچ کمیشن دے نال تعاون نی کیتا جیں توں کشمیراچ رائے شماری کوں لازمی قرارݙتا ڳئے۔ جموں و کشمیر دے عوام کوں حق خودارادیت ݙیوݨ اچ بھارت دی ناکامی اتے 76سال اچ اقوام متحدہ دی اپݨے فیصلے تے عمل درآمدنہ کرݨ توں جموں و کشمیر دے عوام کوں مسلسل اوکھ دا سامݨا کرݨا پوندا پئے بھارت تے پاکستان وچال ترائے وݙیاں جنگاں تھی چکن ، مسلماناں دا قتل عام اتے بھارتی فوج، پیراملٹری فورسز تے مسلح گروپاں دے ذریعے انہان دی نسل کشی جاری اے۔
