پورے جگ اچ کشمیری تارکین وطن 5 جنوری کوں حق خود ارادیت دا ݙینھ منیسن

واشنگٹن۔3جنوری (اے پی پی)ٻاہرلے ملکاں رہݨ آلے کشمیری5 جنوری کوں حق خود ارادیت دا ݙینھ منیسن ۔ اقوام متحدہ دی سلامتی کونسل 5جنوری 1949 کوں ھک قرارداد منظور کیتی ہئی جیں اچ جموں و کشمیر دے عوام کوں حق خود ارادیت ݙیوݨ دا وعدہ کیتا ڳیا ہئی ۔کشمیر میڈیا سروس موجب ورلڈ فورم فار پیس اینڈ جسٹس دے چیئرمین ڈاکٹر غلام نبی فائی واشنگٹن توں ھک بیان اچ آکھیے جو کشمیری تارکین وطن دنیا دے مختلف دارالحکومتاں اچ عوامی ریلیاں، سیمینارزتے جلوس منعقد کریسن ۔انہاں آکھیے واشنگٹن اتے نیویارک اچ ورلڈ کشمیر اویئرنس فورم کشمیری عوام دے حق خودارادیت دے مطالبے اتے بھارتی قابض افواج دے ظلم کوں چاوݨ کیتے ڈیجیٹل ٹرکاں دا اہتمام کیتے۔ ڈاکٹر فائی موجب ڈیجیٹل ٹرک سویلے10 توں شام 6وڄے دے درمیان واشنگٹن اتے نیویارک دے شہراں اچ چلسن تے انہاں ٹرکاں تے کشمیراچ بھارت دی فوجی اتے ریاستی دہشت گردی بند کراوݨ دے نعرے درج ہوسن ۔ انہاں آکھیے جھیڑا کشمیر جنوبی ایشیا دے خطے اچ جوہری تنائو دی وجہ بݨ سڳدے لہذا جنوبی ایشیا کوں پرامن بݨاوݨ کیتے مسئلہ کشمیر دا حل ناگزیر اے ۔