جیلاں اچ قید ٻالاں کوں نرسنگ، الائیڈہیلتھ سائنسز،ایم بی بی ایس اچ ایڈمشن اتے تعلیم ݙتی ویسی ،عبدالقادر پٹیل

اسلام آباد۔6جنوری(اے پی پی) وفاقی وزیر قومی صحت عبدالقادر پٹیل آکھیے جوحکومت میڈیکل دے شعبے دی ترقی اتے بہتری کیتے موثر اتے عملی اقدامات کریندی پئی اے، پاکستان دیاں ساریاں جیلاں اچ قید ٻالاں کوں نرسنگ، الائیڈہیلتھ سائنسز،ایم بی بی ایس اچ ایڈمیشن اتے تعلیم ݙتی ویسی ،پی ایم سی کوں ہدایات جاری کرݙتیاں ڳئن ۔ آپݨے ھک بیان اچ وفاقی وزیر آکھیے حکومت میڈیکل دے شعبے دی ترقی تے بہتری کیتے موثر اتے عملی اقدامات کریندی پئی اے ۔ 2023 اچ پاکستان دیاں ساریاں جیلاں اچ قید ٻالاں کوں نرسنگ، الائیڈہیلتھ سائنسز،ایم بی بی ایس اچ ایڈمیشن تے تعلیم ݙتی ویسی ۔پاکستان دیاں ساریاں پبلک سیکٹر میڈیکل یونیورسٹیز کوں اے لازم کیتا ویسی جو کوئی وی ٻال جے جیل اچ ڈاکٹر وی بݨݨ چاہے تاں ایندا حق اے ۔ انہاں آکھیے ایں سلسلے اچ پاکستان میڈیکل کمیشن کوں ہدایت جاری کر ݙتیاں ڳئن۔ انہاں آکھیے جیل اچ موجود لائق اتے ذہین ٻالاں کوں ڈاکٹر ، نرسز اتے میڈیکل دے کہیں وی شعبے اچ تعلیم حاصل کرݨ کیتے موقع ݙتے ویسن ایں کم دا مقصد جیل اچ قید سارے ٻالاں کوں معاشرے اچ ھک چنڳاں مقام ݙیواوݨ اے ۔ انہاں آکھیے ساݙی حکومت عوامی امنگاں دی ترجمانی کریندی اے ۔عوام دی فلاح وبہبود خدمت ساݙا حقیقی نصب العین اے۔