صدر مملکت ڈاکٹر عارف علوی دی صدارت خصوصی لوکاں دی سہولت کاری بارے اجلاس، خصوصی لوکاں کیتے موزوں ماحول اتے معاشرے دے سارے شعبیاں اچ ہک پروقار ممبر دے طور رلݨ کیتے قومی سطح تے تکھی کوششاں دی لوڑھ اے

اسلام آباد۔6جنوری (اے پی پی) صدر مملکت ڈاکٹر عارف علوی آکھیا جو خصوصی لوکاں کیتے موزوں ماحول اتے معاشرے دے سارے شعبیاں اچ ہک پروقار ممبر دے طور رلݨ کیتے قومی سطح تے تکھی کوششاں دی لوڑھ اے۔ وفاقی وزارت تعلیم انہاں کوں معیاری تعلیم اتے مارکیٹ دی لوڑھ دے مطابق ہنر دی فراہمی کیتے نصاب دی تیاری اچ قائدانہ کردار ادا کرے۔ متعلقہ اداریاں دے تعاون نال خصوصی لوکاں کوں خصوصی شناختی کارڈ ݙیوݨ کیتے ہرممکن سہولت ݙتی ونڄے۔ اے ڳالھیں انہاں جمعے کوں خصوصی لوکاں دی سہولت کاری بارے اجلاس دی صدارت کریندیں ہوئیں آکھی۔ اجلاس اچ خیبرپختونخوا دے زکوٰۃ، عشر، سماجی بہبود، خصوصی تعلیم اتے تریمتیں کوں بااختیار ٻݨاوݨ دے محکمہ دے وزیر انور زیب خان، وزیراعلیٰ سندھ دے معاون خصوصی برائے محکمہ برائے ڈی اے پی، چیئرمین نادرا محمد طارق ملک جڈانجو وفاقی وزارت نیشنل ہیلتھ سروسز، ریگولیشنز اینڈ کوآرڈینیشن، پنجاب، سندھ، کے پی، بلوچستان دے سماجی بہبود دے محکمے، آزاد جموں تے کشمیر دے ایلیمنٹری اینڈ سیکنڈری ایجوکیشن ڈیپارٹمنٹ، پنجاب دے لیبر اینڈ ہیومن ریسورس ڈویلپمنٹ ڈیپارٹمنٹ دے حکام اتے نیوٹیک ، پاکستان بیت دے نمائندے المال، ڈائریکٹوریٹ آف سپیشل ایجوکیشن، اسلام آباد، این آئی آر ایم، ڈبلیو ایچ او اتے نادرا دے حکام شریک تھیے۔ وزیر اعلیٰ گلگت بلتستان خالد خورشید خان وی ویڈیو لنک توں اجلاس اچ شریک تھیے۔