جنیوا۔9جنوری (اے پی پی) وزیر خارجہ بلاول بھٹو زرداری آکھیا جو پاکستان اچ ھل دی تباہ کاریاں دا حجم ٻہوں وݙا اے، پںج مہینے بعد کئی علاقے چھل دے پاݨی اچ بݙیے ہوئن۔ اے ڳالھیں انہاں سنوار کوں جنیوا اچ انٹرنیشنل کانفرنس آن ریزیلیئنٹ پاکستان دے افتتاحی سیشن توں خطاب کریندیں ہوئیں آکھی۔ وزیرخارجہ آکھیا جو پاکستان دا کئی علاقہ اڄاں وی چھل دے پاݨی اچ ٻݙیا ہوئے۔ چھل پاروں …
پاکستان اچ ھل دی تباہ کاریاں دا حجم ٻہوں وݙا اے، پںج مہینے بعد کئی علاقے چھل دے پاݨی اچ بݙیے ہوئن، وزیر خارجہ بلاول بھٹو زرداری دا بین الاقوامی کانفرنس دے افتتاحی سیشن توں خطاب
مزید خبراں
جنیوا۔9جنوری (اے پی پی) وزیر خارجہ بلاول بھٹو زرداری آکھیا جو پاکستان اچ ھل دی تباہ کاریاں دا حجم ٻہوں وݙا اے، پںج مہینے بعد کئی علاقے چھل دے پاݨی اچ بݙیے ہوئن۔ اے ڳالھیں انہاں سنوار کوں جنیوا اچ انٹرنیشنل کانفرنس آن ریزیلیئنٹ پاکستان دے افتتاحی سیشن توں خطاب کریندیں ہوئیں آکھی۔ وزیرخارجہ آکھیا جو پاکستان دا کئی علاقہ اڄاں وی چھل دے پاݨی اچ ٻݙیا ہوئے۔ چھل پاروں ترائے کروڑ 30 لکھ لوک متاثر تھین۔ ہولناک چھل توں متاثرہ علاقیاں دی تعمیر نو کیتے کم تھیندا پے۔ انہاں آکھیا جو پاکستان دے ہر ست اچوں ہک بندہ چھل پاروں متاثر تھیے۔ بلاول بھٹو زرداری بین الاقوامی کانفرنس دے شرکا کوں خوش آمدید آکھدیں ہوئیں آکھیا جواوکھے ویلھے پاکستان دد مدد کرݨ آلے ملکاں دا شکریہ ادا کرینداں۔ اڄ اقوام عالم پاکستان نال یکجہتی کیتے کٹھی تھین۔ وزیراعظم محمد شہباز شریف اتے اقوام متحدہ دے سیکرٹری جنرل انتونیو گوتریس جنیوا اچ تھیوݨ آلی کانفرنس دی میزبانی کریندے پن۔
