پاکستان کوں 16.3 ارب ڈالر دی امداد چاہیدی اے، انفراسٹرکچر دی بحالی کیتے وݙے پیمانے تے اقدامات دی لوڑھ اے، اقوام متحدہ دے سیکرٹری جنرل دا بین الاقوامی کانفرنس توں خطاب

جنیوا۔9جنوری (اے پی پی) اقوام متحدہ دے سیکرٹری جنرل انتونیو گوتریس آکھیا جو پاکستان کوں 16.3 ارب ڈالر دی امداد چاہیدی اے، انفراسٹرکچر دی بحالی کیتے وݙے پیمانے تے اقدامات دی لوڑھ اے۔ اقوام متحدہ دے سیکرٹری جنرل اے ڳالھیں سنوار کوں جنیوا اچ پاکستان دی تعمیر نو اتے بحالی اچ سانجھ دے موضوع تے تھیوݨ آلی بین الاقوامی کانفرنس دے افتتاحی سیشن توں خطاب اچ آکھی۔ انہاں آکھیا جو کانفرنس دے ذریعے کیش، ٹرانسفر اتے ٻئے طریقے نال مدد کیتی ونڄ سڳدی اے۔ پاکستان اچ چھل پاروں تھیوݨ آلی تباہی آپ ونڄ تے ݙٹھی اے۔ اڄوکے چھل پاروں پاکستان ٻہوں متاثر تھیے۔ اقوام متحدہ دے سیکرٹری جنرل انتونیو گوتریس آکھیا جو پاکستان اچ چھل پاروں تھیوݨ آلی تباہی دے منظر ݙیکھ تے دل ترٹ ڳے۔ چھل پاروں اسی لکھ دے نیڑے لوک بے گھر تھین۔اوکھے حال اچ وی پاکستانیاں دا جذبہ ݙیکھ تے حیران تھیاں۔ ایں توں پہلے انہاں کانفرنس اچ شرکت کرݨ آلے مزماناں دا شکریہ ادا کیتا۔