اسلام آباد۔28جنوری (اے پی پی) پاکستان ڈنمارک اچ قرآن پاک دی بے حرمتی دے واقعہ دی شدید مذمت کیتی اے۔ دفتر خارجہ دے ترجمان ولوں جاری پریس ریلیز اچ آکھیا ڳیا جو پاکستان ڈنمارک اچ قرآن پاک دی بے حرمتی دے انتہائی احمقانہ اتے جارحانہ فعل دی دی شدید الفاظ اچ مذمت کریندے۔ اسلام فوبیا دے شکار لوکاں ولوں کجھ ݙینھ پہلے سویڈن اچ وی ایجھی حرکت کیتی ڳی ہئی۔ انہاں آکھیا جو ایں مکروہ کم دی تکرار نال پوری دنیا دے مسلماناں دے ذہناں اچ اے شک تھی ڳے جو مذہبی منافرت کھنڈاوݨ اتے تشدد تے اکساوݨ کیتے آزادی اظہار دا کھلم کھلا استعمال کیتا ویندا پے۔ ترجمان دفتر خارجہ آکھیا جو ایجھی مذموم حرکت قانونی فریم ورک تے وی سوالیہ نشان لڳدی اے۔ انہاں آکھیا جو بین الاقوامی برادری نفرت کھنڈاوݨ آلیاں توں اکھیں نی موٹ سڳدی۔ پاکستان اپݨے تحفظات کوں ڈنمارک دے حکام تئیں پڄیندا پے۔ پاکستان ڈنمارک تے زور ݙیندے جو او پاکستانی عوام اتے پوری دنیا دے مسلماناں دے جذبات دا خیال رکھے اتے مستقبل اچ اینجھے نفرت انگیز اتے اسلاموفوبیک کارروائیاں کوں روکݨ کیتے اقدامات کرے۔
