اسلام آباد۔29جنوری (اے پی پی) اسلام آباد سودھے ملک دے ٻے علاقیاں اچ آݙت وار دی ݙوپہر کوں 6.3 شدت دے زلزلے دے جھٹکے محسوس کیتے ڳے ۔ نیشنل سیسمک مانیٹرنگ سینٹر (این ایس ایم سی) اسلام آباد دے سینئر میٹرولوجسٹ صابر خان اے پی پی نال ڳالھ مہاڑ کریندیں ہوئیں آکھیا جو ریکٹر سکیل تے زلزلے دی شدت 6.3 ریکارڈ کیتی ڳی۔ زلزلے دی زمین تلوں گہرائی 150 کلومیٹر ہئی اتے زلزلے دا مرکز تاجکستان دا علاقہ ہئی۔ زلزلزے دے بعد کہیں جانی یا مالی ضیاں دی اطلاع نی ملی۔
