اسلام آباد۔31جنوری(اے پی پی)سینیٹ اجلاس اچ سوالاں دے وقفے اچ سینیٹر مشتاق احمد، سینیٹر دنیش کمار دے سوال دے جواب اچ وزیر مملکت قانون و انصاف سینیٹر شہادت اعوان آکھیے حکومتی ایل پی جی پالیسی 2016ءدے تحت اوگرا لائسنس دی حامل کوئی وی پارٹی حکومتی ٹیکسز اتے ڈیوٹی ادا کرݨ دے بعد ایل پی جی در آمد کر سڳدی اے ، ایل پی جی مارکیٹنگ کمپنیاں سٹوریج اتے فلنگ پلانٹس …
ایل پی جی دی ودھ قیمتاں، گھٹ فلنگ اتے ٻئے غیر قانونی سرگرمیاں دے خلاف سخت کارروائیاں تھیندیاں پئن ، سینیٹر شہادت اعوان
مزید خبراں
اسلام آباد۔31جنوری(اے پی پی)سینیٹ اجلاس اچ سوالاں دے وقفے اچ سینیٹر مشتاق احمد، سینیٹر دنیش کمار دے سوال دے جواب اچ وزیر مملکت قانون و انصاف سینیٹر شہادت اعوان آکھیے حکومتی ایل پی جی پالیسی 2016ءدے تحت اوگرا لائسنس دی حامل کوئی وی پارٹی حکومتی ٹیکسز اتے ڈیوٹی ادا کرݨ دے بعد ایل پی جی در آمد کر سڳدی اے ، ایل پی جی مارکیٹنگ کمپنیاں سٹوریج اتے فلنگ پلانٹس مختلف سائز دے سلنڈرز اچ ایل پی جی اپݨے ڈسٹری بیوٹرز دے ذریعے ویچیندن ۔ انہاں آکھیے ایل پی جی دی قیمت دا اوگرا مہینے دی بنیاداں تے تعین کریندے ۔ انہاں آکھیے اوگرا آرڈیننس دے تحت سارے ڈپٹی کمشنرز اتے اسسٹنٹ کمشنرز کوں اختیار حاصل اے جو او ایل پی جی دی ودھ قیمتاں، گھٹ فلنگ اتے ایل پی جی متعلق غیر قانونی سرگرمیاں روکݨ کیتے سخت کاروائی کرے ۔ انہاں آکھیے اوگرا ہدایت کیتی اے جو مستقبل اچ غیر مجاز ڈیلرز دی طرفوں ایل پی جی دی فروخت اتے غیر معیاری سی این جی سلنڈرز اچ فلنگ دی ذمہ واری مقامی انتظامیہ دی ہو سی۔
