اسلام آباد۔31جنوری(اے پی پی) وزیراعظم محمد شہباز شریف آکھیے بلوچستان دی ترقی حکومت دی اولین ترجیح اے، معاشی ترقی اتے نینگراں کوں ھکو سویں موقع ݙے تے بلوچستان دیاں محرومیاں مکیسوں ۔ وزیر اعظم آفس دے میڈیا ونگ توں جاری بیان موجب وزیراعظم محمد شہباز شریف نال قائم مقام گورنر بلوچستان جان محمد جمالی اتے سینیٹر ثنا جمالی ملاقات کیتی۔ ملاقات اچ موجودہ سیاسی صورتحال تے بلوچستان اچ جاری ترقیاتی منصوبیں تے ڳالھ مہاڑ تھئی ۔قائم مقام گورنر بلوچستان جان محمد جمالی اتے سینیٹر ثنا جمالی بلوچستان دی ترقی کیتے وفاقی حکومت دے اقدامات اتے گوادر بندرگاہ کوں مزید فعال بݨاوݨ کیتے احکامات تے وزیرِ اعظم کوں خراجِ تحسین پیش کیتا۔
