کراچی۔2فروری(اے پی پی) وزیراعظم محمد شہباز شریف چین دی شراکت نال تعمیر تھیوݨ آلے کراچی نیوکلیئر پاور پلانٹ دے تریجھے یونٹ ’کے تھری ‘دا افتتاح کرݙتا ۔خمیس کوں منصوبے دی افتتاحی تقریب منعقد تھئی جیں اچ وفاقی وزیر توانائی انجینئر خرم دستگیر، وفاقی وزیر منصوبہ بندی و ترقی پروفیسر احسن اقبال، وزیر اعلیٰ سندھ سید مراد علی شاہ تے ٻئیں شرکت کیتی ۔ ایں منصوبے توں ماحول دوست 1100میگاواٹ بجلی حاصل تھیسی جݙاں جو جوہری توانائی بجلی گھر توں مجموعی پیداوار2200 میگاواٹ تھی ویسی۔
