اسلام آباد۔2فروری(اے پی پی) وزیراعظم محمد شہبازشریف پشاوراچ دہشت گردی دے واقعہ اچ قیمتی جاناں دے ضیان تے تعزیت اتے ہمدردی دااظہار کرݨ آلے دوست ملکاں دا شکریہ اداکیتے۔ آپݨے ٹویٹ اچ وزیراعظم آکھیے جو او دوست ملکاں دی طرفوں اوکھے ویلھے یکجہتی دے اظہار دی ٻہوں قدرکریندن ۔ وزیراعظم ایں عزم دااظہار کیتے پاکستانی عوام دے تعاون نال اساں دہشت گرداں کوں کچل ݙیسوں تے آپݨی سر زمین توں انہاں دا خاتمہ کریسوں ۔
