اسلام آباد۔2فروری(اے پی پی) وزیر مملکت خارجہ امور حنا ربانی کھر (اڄ) جمعہ توں سری لنکا دے دارالحکومت کولمبو دا 2 ݙٰینھ دا دورہ کریسن ۔ دفتر خارجہ دی ترجمان موجب وزیر مملکت خارجہ امور سری لنکا دے 75ویں یوم آزادی اچ بطور مہمان خصوصی شرکت کریسن ، یوم آزادی دی تقریبات اچ شرکت توں علاوہ او اپݨے ہم منصب سودھے سری لنکا دی قیادت ںال ملاقات کریسن ۔ ترجمان آکھیے پاکستان اتے سری لنکا دے درمیان تاریخی تعلقات ہن جیڑھا جو ݙو طرفہ تعاون دے سارے پہلوواں اچ بتدریج ودھدے پئن۔ انہاں آکھیے ݙوہیں ملکاں سارک سودھے کثیرالجہتی فورمز اچ وی رل تے کم کیتے ، وزیر مملکت حنا ربانی کھردا دورہ سری لنکا ݙوہیں ملکاں وچال افہام و تفہیم کوں ودھاوݨ اچ معاون ثابت تھیسی تے اوکھے ویلھے سری لنکا کیتے پاکستان دی حمایت دا پیغام ݙیسی ۔
