عمران خان داغیر ذمہ دارانہ ٹویٹ صرف ملک دی سلامتی دی صورتحال تے سیاسی ماحول کوں خراب کرݨ کیتے کیتا ڳئے ،وفاقی وزیر خزانہ

اسلام آباد۔4فروری(اے پی پی) وفاقی وزیر خزانہ سینیٹر محمد اسحاق ڈار آکھیے عمران خان دا غیر ذمہ دارانہ ٹویٹ صرف ملک دی سلامتی دی صورتحال تے سیاسی ماحول کوں خراب کرݨ کیتے کیتا ڳئے ۔ہفتے کوں اپݨے ٹویٹس اچ وزیر خزانہ سینیٹر محمد استحاق ڈار آکھیے 2022 اچ دنیا دی 24ویں وݙی معیشت توں 47ویں نمبر تے آوݨ آلی پاکستانی معیشت دی تباہی عمران دی بیڈ گورننس، نااہلی اتے بے مثال قرضیں دا منہ ٻولیندا ثبوت ہن ۔ انہاں آکھیے ذخیرہ اندوزی، بدانتظامی اتے بدعنوانی دی حکمرانی پاکستان دے عوام کوں ٻہوں مہانگ اتے ناقابل برداشت مصائب دا شکار کیتے۔