اسلام آباد۔4فروری(اے پی پی) وزیراعظم محمد شہباز شریف دی ہدایت تے مری شٹل بس سروس توں سیاحواں کوں معیاری اتے گھٹ خرچ سفری سہولتاں ݙتیاں ویندیاں پئن ۔ جدید ترین خصوصیات دی حامل بساں تے گھٹ توں گھٹ کرائے نال سفر دی سستی سہولتاں دے ذریعے مری معروف سیاحتی جاہ تئیں سیاحواں تے انہاں دے اہل خانہ کوں ریلیف ݙتا ویندا پئے۔ وزیراعظم محمد شہباز شریف دی ہدایت تے انتہائی اہم قدم چاتا ڳئے جیں دا مقصد معروف سیاحتی مقام تئیں سیاحواں تے انہاں دے خانداناں کوں معیاری سفری سہولتاں دی فراہمی اے۔ اسسٹنٹ آپریشنل منیجر ملک طارق محمود آکھیے بھارہ کہو توں مری شٹل سروس بساں جمعہ توں اتوار ترائے ݙینھ کیتے چلائیاں ویندیاں پن ، جنہاں دا یکطرفہ کرایہ مناسب صرف 100روپے مقرر کیتا ڳئے انہاں آکھیے 65سال یا ایں توں ودھ عمر دے شہریاں تے 12سال تئیں دی عمر دے ٻالاں کیتے شٹل بس سروس تے مفت سفر دی سہولت دستیاب اے۔
