چیئرمین جوائنٹ چیفس آف سٹاف کمیٹی اتے سروسز چیفس دا ترکیہ زلزلے دے نقصانات تے افسوس

اسلام آباد۔7فروری(اے پی پی)چیئرمین جوائنٹ چیفس آف سٹاف کمیٹی اتے سروسز چیفس ترکیہ اچ آوݨ آلے زلزلے نال جانی اتے مالی ضیان تے افسوس کریندے پرچاوݨی ݙتی اے۔ آئی ایس پی آر آکھیے جو عسکری قیادت ترکیہ زلزلے اچ اموات تے افسوس کریندے پاک فوج ولوں امدادی دستے پاک فضائیہ دے خصوصی طیارے تے ٻھڄوائن۔ آرمی ڈاکٹرز، نرسنگ سٹاف اتے ٹیکنیشنز ترکیہ ڳن۔ پاک فوج دی میڈیکل ٹیم 30 بستراں دا موبائل ہسپتال ٻݨیسی۔ اے دستے پاکستانی سفارت خانے نال رابطے کر تے کم کریسن۔ ریسکیو اتے ریلیف دے کماں تئیں دستے ترکیہ اچ رہسن۔ امدادی سامان اچ خیمے، کمبل اتے ٻیا امدادی سامان اے۔