وفاق اتے آئی ایم ایف سیلاب متاثرین دا خیال رکھین، وزیر خارجہ بلاول بھٹو زرداری

اسلام آباد۔8 فروری(اے پی پی)وزیر خارجہ بلاول بھٹو زرداری آکھیے جو سیلاب متاثرین کوں ڳھر ݙیوݨ دا وعدہ کیتا ہا جیڑھا 3 سال اچ پورا کریساں۔ اے ڳالھ انہاں کراچی اچ تقریب نال الیندے انہاں آکھیا جو سیلاب ڄھیں قدرتی آفت قیامت توں پہلے ہک قیامت اے، سیلاب نال 3 کروڑ توں ودھ پاکستانی متاثر تھین، عالمی اداراں توقعات توںو دھ تے ہتھ ونݙائے، یو این سیکرٹری جنرل دی خصوصی کوششاں دے مشکور ہیں، سیلاب متاثرہ علاقیاں دی بحالی دا کم جاری اے۔ وزیر خارجہ بلاول بھٹو زرداری آکھیے جو جتھان جتھاں سیلابی پاݨی کٹھا تھڑے اتھاں صحت تے وی خطرات ہین، غریب لوکاں کوں وسائل ݙے تے خود مختار ٻماوݨ چاہندے ہیں، سیلاب دے بعد زراعت اتے ٻئے بحراناں دا سامݨا اے، سیلاب متاثرین نال کیتے وعدے پورے کریسوں۔ چیئرمین پیپلز پارٹی بلاول بھٹو آکھیے جو پاکستان دے عوام اڄ تئیں سیلاب پاروں اوکھے ہین، ساݙی ذمہداری اے جو متاثرین دا ہتھ ونݙاوں، ایں سانڳے کاروباری طبقے کوں متاثرین تے توجہ ݙیوݨی ہوسی، اساں ترٹے ہوئے ڳھر ولا ٻݨیسوں اتے مالکانہ حقوق ݙیسوں ڄݙاں جو زراعت دے منصوبے وی ودھائے ویسن۔ انہاں آکھیا جو پاکستان دے وسائل ڳھٹ اتے اوکھ وݙے ہین ٻھل ساݙے کولو ایندا حل اے اتے غریب طبقے کوں تکڑا کرݨ دی کوشش اچ ہیں۔ وزیر خارجہ آکھیا جو آئی ایم ایف اتے وزیر خزانہ وچال مذاکرات چلدے پن، ایں سانڳے وفاق اتے آئی ایم ایف توں مطالبہ اے جو سیلاب متاثرین دا خیال رکھین، آئی ایم ایف سیلاب متاثرین کوں وی تحفظ ݙیواوے، امید اے جو آئی ایم ایف نال ڳالھ مہاڑ مثبت رہسی۔