تیل دا ملھ ودھاوݨ دا کوئی منصوبہ کائنی، پٹرول اتے ڈیزل دی مصنوعی قلت کھنݙاوݨ آلے نقصان چیسن، وزیر مملکت پٹرولیم ڈاکٹر مصدق ملک

اسلام آباد۔8فروری (اے پی پی):وزیر مملکت پٹرولیم ڈاکٹر مصدق ملک آکھیے جو تیل دا ملھ ودھاوݨ دا کوئی منصوبہ کائنی، پٹرول دے ملھ دا فیصلہ بین الاقوامی مارکیٹ دے مطابق کیتا ویسی، پٹرول اتے ڈیزل دی مصنوعی قلت کھنݙاوݨ آلے نقصان چیسن۔ میڈیا نال الیندے انہاں آکھیا جو کجھ لوکاں دا خیال اے جو آعی ایم ایف دے آوݨ نال تیل دا ملھ ٻیا ودھسی اتے اسان تیل اتے ڈیزل دی ذخیرہ اندوزی کر تے مال کمیسوں ٻھل میں چتا ݙیواں جو پٹرول اتے ڈیزل دی مصنوعی قلت کھنݙاوݨ آلے نقصان چیسن، اساں عوام دا ھق مارݨ دی اجازت نا ݙیسوں، جیکر ریاست ایکشن ڳھدا تاں اے روندے راہسن جو اینڄھی سخت کارروائی تھیسی، لائسنس وی نسوخ تھی سڳدن۔ انہاں آکھیے جو ایں ویلھے پٹرول دی کوئی قلت کائنی اتے ملک اچ 20 ݙینھ دا پٹرول اتے 30 ݙینھ دا ڈیزل موجود اے۔ڈاکٹر مصدق ملک آکھیا جو حکومت ملکی معیشت دی بہتری کیتے اقدامات کریندی پئی اے،بریک ڈاؤن دی رپورٹ ݙو ݙینھ تئیں وزیر اعظم کوں پیش کر ݙیساں، ایں توں پہلے کڄھ نئیں آکھ سڳدے۔