راولپنڈی۔9فروری(اے پی پی) پاک فوج دی ترکیہ اچ زلزلہ متاثرین کیتے امدادی سر گرمیاں جاری ہن۔ پاک آرمی دی اربن سرچ اینڈ ریسکیو ٹیماں گزریل 24گھنٹے اچ 17مزید لاشاں ملبے توں کڈھ تے ورثا دے حوالے کیتن ۔پاک فوج دی امدادی ٹیماں ایجھیاں ترائے جہیں کوں چݨیے جتھاں ملبے تلے دبیے لوک حالی تئیں زندہ ہن۔ انہاں دے ریسکیو کیتے ملبہ ہٹاوݨ دا کم جاری اے ۔پاک فوج دی امدادی …
پاک فوج دی ترکیہ اچ زلزلہ متاثرین کیتے امدادی سر گرمیاں جاری
مزید خبراں
راولپنڈی۔9فروری(اے پی پی) پاک فوج دی ترکیہ اچ زلزلہ متاثرین کیتے امدادی سر گرمیاں جاری ہن۔ پاک آرمی دی اربن سرچ اینڈ ریسکیو ٹیماں گزریل 24گھنٹے اچ 17مزید لاشاں ملبے توں کڈھ تے ورثا دے حوالے کیتن ۔پاک فوج دی امدادی ٹیماں ایجھیاں ترائے جہیں کوں چݨیے جتھاں ملبے تلے دبیے لوک حالی تئیں زندہ ہن۔ انہاں دے ریسکیو کیتے ملبہ ہٹاوݨ دا کم جاری اے ۔پاک فوج دی امدادی ٹیماں ترکیہ دے صوبہ ادیامان اچ ریسکیو کارروائیاں اچ حصہ گھندیاں پئن ۔ ودھ سارے پالے دے موسم دے باوجود پاک فوج دی امدادی کارروائیاں ݙینھ رات جاری ہن ۔گزریل رات ادیامان اچ منفی8ڈگری درجہ حرارت دے باوجود پاک فوج امدادی کارروائیاں جاری رکھیاں۔ترک عوام اتے ملبے تلے دبیے لوکاں دے اہل خانہ پاک فوج دی خدمات دا اعتراف کیتے ۔
