ہتھو خالی کشمیری 7 ݙھاکیاں توں غاضبانہ ہندوستانی فوج دا مقابلہ کریندے پن، مشعال ملک

راولپنڈی۔11فروری(اے پی پی)کشمیری حریت رہنما اتے جموں و کشمیر لبریشن فرنٹ دے چیئرمین محمد یاسین ملک دی اہلیہ مشعال یاسین ملک آکھیے جو ہتھو خالی کشمیری 7 ݙھاکیاں توں غاضبانہ ہندوستانی فوج دا مقابلہ کریندے پن، مقبوضہ کشمیر دی ہک ہک نت کربلا اے، بھارت 50 لکھ بھارتیاں کوں سنڄاݨ ݙے تے مقبوضہ وادی کوں منی انڈیا ٻݨاوݨ دی سازش کریندا پئے، کشمیر دے نہتے مسلماناں تے ظلم و بربریت تے خاموشی عالمی برادری کیتے سوالیہ نشان اے، ہندوستان کشمیر اچ دہشتگردی کریندے ٻھل اوکوں کوئی ݙکݨ آلا نئیں، کشمیری رہنما مقبول بٹ کوں بغیر کہیں ثبوت یا قصور دے پھاسی ݙے ݙتی ڳئی ہئی۔ اے ڳالھ انہاں گورنمنٹ ایسوسی ایٹ گرلزکالج اچ یوم یکجہتی کشمیر اتے حریت رہنما مقبول بٹ دے ورھیݨے تے تقریب نال الیندے آکھی۔ مشعال یاسین ملک آکھیا جو مودی حکومت 5 اگست 2019 کوں غیرقانونی اتے یک طرفہ بھارتی اقدامات نال کشمیریاں دے حقوق مٹاوݨ ہی نئیں ٻھل پورے خطے اچ فساد دا منݙھ ٻڈھ ݙتے۔ عالمی برادری مقبوضہ کشمیر اچ انسانی حقوق دے قتل عام دا نوٹس ڳھنے۔ انہاں آکھیا جو شہید مقبول بٹ اڄ وی تہاڑ جیل اچ دفن ہین ٻھل انہاں دی میت اڄ تئیں ٹٻر کوں نئیں ملی، سید علی گیلانی ڄھیں وݙے لیڈر نال جو کڄھ تھئے او افسوسناک اے۔