سرپرائز ڈے، پاکستان دے خلاف کہیں جارحیت سانڳے جنگ دشمن دےعلاقے اچ لڑسوں، پاک فوج

راولپنڈی۔27فروری(اے پی پی)سرپرائز ڈے تے چیئرمین جوائنٹ چیفس آف سٹاف کمیٹی اتے تریے مسلح افواج دے سربراہان ‘آپریشن سوئفٹ ریٹارٹ ‘دے 4 سال مکمل تھیوݨ تے پاکستان دی مسلح افواج اتے عوام کوں خراج تحسین پیش کیتے۔ سرپرائز ڈے تے ہک ٹویٹ اچ ڈائریکٹر جنرل (ڈی جی) آئی ایس پی آر سنیہا ݙتے جو بھارت پلوامہ فالس فلیگ آپریشن دے بعد بزدلانہ حملے دی کوشش کیتی، آپریشن سوئفٹ ریٹارٹ ویلھے مسلح افواج اتے عوام بہترین عزم ݙکھائے اتے پاکستان موثر تے دلیرانہ ولدا ݙے تے بھارت دے ناپاک عزائم مٹی اچ رلائن۔ پاک فوج دے شعبہ تعلقات عامہ (آئی ایس پی آر) آکھیے جو 27 فروری ثبوت اے جو پاکستانی پرامن قوم ہین، مسلح افواج وطن دے ہک ہک انچ دی حفاظت کیتے ہر ویلھے تیار اے، پاکستان دے خلاف کہیں وی جارحیت دا ولدا مسلح افواج اتے عوام رل تے تکڑی طاقت نال ݙیسن۔ یاد راہوے جو 27 فروری 2019 کوں پلوامہ حملے دے کوڑے پروپیگنڈے اتے کنٹرول لائن پار کرݨ دی غلطی تے پاکستان بھارت کوں “آپریشن سوئفٹ ریٹارٹ” دی شکل اچ کرارا ولدا ݙتا ہا۔