وزیراعظم شہبازشریف دا ملتان اچ اٹے دی ونڈ دے مرکز دا اچانک دورہ

اسلام آباد۔26مارچ(اے پی پی) وزیراعظم محمد شہباز شریف مفت اٹا گھنݨ کیتے آوݨ آلے شہریاں کوں ہر ممکن سہولتاں ݙیوݨ دی ہدایت کیتی اے ۔ وزیر اعظم شہباز شریف اتوار کوں ملتا اچ مفت اٹے دی ونڈ دی جاہ سپورٹس گراونڈ دا اچانک دورہ کیتا۔وزیراعظم شہریاں توں اٹے دی فراہمی اچ مشکلات اتے مفت اٹا سنٹر تے ݙتیاں ونڄݨ آلیاں سہولتاں بارے پچھیا ۔ وزیر اعظم مفت اٹا تقسیم دے عمل دا جائزہ ڳھدا تے شاندار انتظامات تے ضلعی انتظامیہ دیاں کوششاں دی تعریف کیتی ۔ وزیراعظم مفت اٹاسنٹرتے خصوصی لوکاں کیتے قائم ڈیسک تے وی ڳئے ۔خصوصی لوکاں مفت اٹا ݙیوݨ تے وزیراعظم دا شکریہ ادا کیتے۔وزیراعظم عوامی شکایتاں دے وختی ازالے کیتے مقامی انتظامیہ کوں ہدایت جاری کریندے ہوئیں آکھیے مفت اٹا گھنݨ کیتے آوݨ آلے شہریاں کوں ہر ممکن سہولتاں ݙتیاں ونڄن ،خصوصا وݙی عمر آلے ، سپیشل لوکاں تے تریمتاں دا خاص خیال رکھیا ونڄے ۔ وزیراعظم شہباز شریف آکھیے رمضان المبارک اچ شہریاں کوں تکلیف نی تھیوݨی چاہیدی ۔ ایں موقع تے چیف سیکرٹری زاہد اختر زمان، کمشنر ملتان عامر خٹک اتے ریجنل پولیس آفیسر سہیل احمد وی موجود ہن ۔