اسلام آباد۔27مارچ (اے پی پی) مینہ وسݨ دا سبب ٻݨݨ آلی مغربی ہوائیں منگل کوں پاکستان امسن، اتلے اتے وسطی علاقیاں اچ تکھی ہوائیں اتے ڳاڄ کھمݨ نال مینہ وسݨ دا امکان اے۔ نیشنل ڈیزاسٹر مینجمنٹ اتھارٹی (این ڈی ایم اے) موسمی صورتحال دے ممکنہ اثرات پاروں متعلقہ اداریاں کوں الرٹ رہݨ اتے مقامی آبادیاں، مسافراں اتے سیاحاں دی آگاہی تے سہولت کیتے ویلھے تے اقدامات کرݨ دی ہدایت کیتی۔ محکمہ موسمیات پاکستان دے مطابق مغربی ہوائیں اڄ منگل توں ملک دے مغربی حصیاں اچ امسن جیڑھی اتلے اتے وسطی علاقیاں کوں اپݨی ولھیٹ اچ ڳھنسن۔ اے موسمی نظام 29 مارچ توں 31 مارچ تئیں رہسی جئیں پاروں ملک دےے کئیں علاقیاں اچ مینہ وسݨ دی پیشین گوئی کیتی ڳی اے۔ جیڑھے علاقیاں اچ مینہ وسݨ دی پیشین گوئی اے انہاں اچ بلوچستان اچ نوکنڈی، دالبندین، کوئٹہ، ژوب، بارکھان، ہرنائی، قلعہ، سیف اللہ، قلعہ عبداللہ، چمن، پشین، سبی، لورالائی، قلات، خضدار، لسبیلہ، پنجگور، آواران اور کیچ، پنجاب اچ ڈیرہ غازی خان، راجن پور، بھکر، لیہ، ملتان، ساہیوال، اوکاڑہ، پاکپتن، خانیوال، بہاولنگر، بہاولپور، رحیم یار خان، مری، راولپنڈی، اٹک، چکوال، جہلم، خوشاب، میانوالی، سرگودہا، گوجرانوالہ، گجرات، حافظ آباد، منڈی بہاؤالدین، سیالکوٹ، نارووال، لاہور، فیصل آباد، ٹوبہ ٹیک سنگھ، جھنگ، قصور، شیخوپورہ اتے ننکانہ صاحب، سندھ اچ سکھر، لاڑکانہ، جیکب آباد، شہید بینظیر آباد، میرپورخاص، حیدرآباد اتے کراچی، آزاد کشمیر اچ وادی نیلم، مظفرآباد، پونچھ، ہٹیاں، باغ، حویلی،سدھنوتی، کوٹلی، بھمبر اتے میرپور، گلگت بلتستان اچ دیامیر، استور، غذر، سکردو، ہنزہ، گلگت، گانچھے اتے شگر، خیبر پختونخوا اچ گلیات، پشاور، چارسدہ، نوشہرہ، صوابی، باجوڑ، کرم، وزیرستان، کوہاٹ، کرک، بنوں، ڈیرہ اسماعیل خان، چترال، دیر، سوات، مانسہرہ، بونیر، کوہستان، شانگلہ، ہری پور ، ایبٹ آباد اتے اسلام آباد شامل ہن۔ اینویں ای پہلی اپریل توں ہک ٻی مغربی لہر ملک دے مغربی اتے اتلے علاقیاں اچ آوݨ دا امکان اے جیڑھی جو چار اپریل تئیں خیبرپختونخوا، اسلام آباد، کشمیر اتے گلگت بلتستان ، بالائی پنجاب اچ رہݨ دا امکان اے۔
