اسلام آباد۔27مارچ(اے پی پی)پاکستان رمضان المبارک دے تریڄھے ݙینھ مسجد اقصیٰ تے اسرائیلی افواج دے چھاپے، نمازیاں کوں زبردستی کݙھݨ اتے مسلماناں دے مقدس ترین مقامات اچوں ہک مسجد اقصیٰ دے تقدس کوں پامال کرݨ دی شدید مذمت کیتی اے۔ ترجمان دفتر خارجہ آکھیے جو اسرائیلی قابض افواج ولوں رمضان المبارک اچ مسجد الاقصی تے اینڄھے حملے معمول ٻݨ ڳن، اے نہ صرف فلسطینی عوام دے مذہبی آزادی دے بنیادی حق دی سنگین خلاف ورزی اے ٻھل ڄڳ دے ݙیݙھ ارب مسلماناں دے مذہبی جذبات دی وی توہین اے، اسرائیلی قابض افواج دا مظلوم فلسطینیاں تے طاقت دا اندھا استعمال سارے انسانی حقوق، عالمی قوانین تے اصولاں دی خلاف ورزی اے۔ ترجمان آکھیے جو عالمی برادری اسرائیلی جارحیت مکاوݨ کیتے فوری اقدامات کرے جیڑھے ݙینھ و ݙینھ ودھدے ویندن۔
