اسلام آباد۔28مارچ (اے پی پی) سپیکر قومی اسمبلی راجہ پرویز اشرف اتے ڈپٹی سپیکر زاہد اکرم درانی اسرائیلی فورسز ولوں مسجد اقصیٰ دی بے حرمتی اتے نمازیاں کوں روکݨ دے اقدام دی مذمت کریندیں ہوئیں آکھیا جو اسرائیلی فورسز مسلمان نمازیاں کوں عبادت توں روکݨ بنیادی انسانی حقوق دے منافی اے۔ سپیکر اتے ڈپٹی سپیکر قومی اسمبلی منگل کوں اپݨے مذمتی بیان اچ آکھیا جو پاکستان دی پارلیمان اتے عوام فلسطینی عوام نال مکمل یکجہتی کریندن۔ فلسطین اتے کشمیر اچ جاری بنیادی انسانی حقوق دی پامالیاں عالمی انسانی حقوق دی تنظیموں کیتے لمحہ فکریہ ہن۔ عالمی برادری مقبوضہ بیت المقدس اچ فلسطینی شہریاں دے حقوق دے تحفظ کیتے اقدامات کرے۔
